燦記茶室

營業中

休息中

朋友住喺馬灣，周末佢叫我去馬灣行吓順便食飯，佢帶咗我喺馬灣嘅海旁🌊行吓坐吓，真係好relax🌿，之後就帶咗我嚟呢間泰國餐廳，佢話小店好味又抵食，而且假期都有套餐。我哋叫咗 二人餐 $338，可以揀三個餸一個湯，我哋揀咗 泰式冬蔭功、泰式豬頸肉、海南難、鹹肉炒芥蘭，二人餐仲包白飯2碗。🌶️泰式冬蔭功用個小火爐燒住，由頭飲到尾都熱辣辣；冬蔭功湯裏面有好多隻大蝦🍤，仲有大量雜菌，又加咗小蕃茄🍅、香茅等，唔係好辣不過好滋味。🐷泰式豬頸肉豬頸肉薄切，燒得好香口，配埋一小碟秘製醬汁，好惹味。🐥海南難海南雞雞肉幾嫩滑，有雞味，亦都有一小碟嘅醬汁，裏面有啲薑蓉，配海南雞食，味道好夾。🥬鹹肉炒芥蘭鹹肉好有鹹鮮香味，要來炒芥蘭，大大提高咗芥蘭嘅香口程度，令到呢味簡單嘅餸都好好食，芥蘭本身亦都鮮嫩爽脆。🥭泰芒糯米飯 $58成隻完熟芒果切肉，見到都開心，配以鴛鴦糯米飯，一邊以蝶豆花煮成嘅淺藍色嘅糯米飯，口感煙煙韌韌加上香濃嘅椰漿，又吸睛又好食😋。🍹三色冰(跟餐）$16裏面有大樹菠蘿，清新好味。🥥椰青 $36除咗飲清甜嘅椰子水，仲有椰子肉可以食。