燦記茶室

營業中

休息中

今天和家人來馬灣遊覽，媽媽說這間泰國菜很好吃，於是便來到這裡吃午餐。星期六的中午時段依然有午市套餐，我們分別點了海南雞飯、泰式炒金邊粉、菠蘿炒飯和肉碎煎蛋飯。海南雞飯：這間餐廳很特別，用油紙裝住食物，那樣吃完便可以即棄，可以不用洗碗了。海南雞是無骨的，肉質不算太嫩滑可口，雞味亦比較淡，味道只是一般。菠蘿炒飯：很坦白說，我第一次吃到沒有味道的菠蘿炒飯，炒飯的味道真的很淡很淡，每一口都是淡而無味，人生第一次吃到這麼清淡的泰國菜式。泰式炒金邊粉：金邊粉終於有點味道了，雖然味道都比其他店舖淡，但至少金邊粉煙煙靭靭，味道酸酸甜甜，挺開胃的。最後便是肉碎煎蛋飯，這款是全場最濃味的菜式，肉碎味道鹹鹹的，送飯一流。飲品則點了泰式奶茶和龍眼茶，泰式奶茶少甜挺好喝，茶味濃郁，龍眼茶則是自家製的，很養生。另外亦送了餐湯，但是這碗湯一點味道也沒有，清湯寡水，淡而無味。價錢方面，餐廳不用加一服務費，午餐送飲品，最後四人總共二百多元。總結來說，這間泰國餐廳的食物真的很清淡，個人比較喜歡濃味的泰國菜，這間便不適合我了。

馬灣餐飲選擇眾多，為了避免不愉快的用餐經歷，筆者強烈建議消費者謹慎選擇餐廳，尤其應避開以下所述的這間餐廳。近日在該餐廳的用餐體驗令人極度失望，以下為詳細經過，供大家參考。昨晚（約19:30）入座該餐廳，並於19:40點餐，共點選三道菜品（海南雞船麵、生菜包、炒河粉）及兩杯套餐飲品。船麵於20:00上桌，味道和份量勉強合格，但海南雞肉質偏硬，影響口感。其餘兩道菜品卻遲遲未有送達，令人不耐。期間，餐廳內其他顧客已多次向店員抱怨等候時間過長。店員僅以「今晚生意繁忙」為由搪塞，卻未採取任何補救措施。作為顧客，我們起初尚能理解繁忙時段的壓力，未有立即催促。然而，令人氣憤的是，餐廳在堂食訂單已嚴重積壓的情況下，仍持續接受外賣訂單，並明顯優先處理外賣餐點，完全無視在場顧客的漫長等待。這種極其混亂的管理方式實在令人難以接受。直至20:50，經過超過一小時的漫長等候，我們終於向店員查詢訂單進度。店員這才催促廚房，隨後生菜包勉強送達。然而，炒河粉依然毫無進展，無奈之下我們決定取消該菜品並結帳離開。更令人震驚的是，結帳時店員告知，因取消炒河粉，套餐飲品的優惠價（$8）無法適用，需按正價（$24）收費。試問，

高質泰菜，雖然座位比較狹窄，但菜色有水準，分量充足。椰香青咖哩：慢慢椰香，辣味不會過分搶戲，配上豬頸肉油香，餸飯一流。鹵豬髀船麵：湯底濃郁，不會過咸，豬髀很軟，連小孩也能輕易咬開，炸豬皮很松脆。菠蘿炒飯：沒有亮點，正常發揮。

明明寫住豬扒，嚟到變咗薄豬肉片冇味柴又乾， 完全唔知食緊乜， 嚿薯仔硬到框框聲食落去爽口嘅， $59買個汁同白飯叫之前已經問咗個侍應雞髀肉定豬扒好食，佢話雞髀肉係雞絲嚟， 佢話豬扒有啲味， 咁我就叫黃咖喱豬扒飯啦， 碟嘢嚟到我問佢呢啲豬扒嚟嘅咩佢話豬扒係豬肉， 我話啲薯仔好生喎，個侍應又話啲薯仔係咁㗎費事整到咁腍我真係未聽過炆咖喱啲薯仔係會生嘅， 吹脹其實已經有一排冇食過好耐之前食早餐寫住厚多士味道，只不過係正常薄麵包隔咗咁耐冇食間嘢仍然係咁， 如果唔介意佢寫嘅同你嘅完全一樣， 咁你就盡情叫嘢食啦

完全係一肚氣，週末晚上千奇唔係去幫襯呀。侍應唔夠，廚房唔夠人做出品。出菜次序混亂，完全沒有先來後到嘅安排。住喺馬灣原來真係無啖好食，如果唔係落雨，真係點都唔會幫襯。－等劣評如果本身有被虐待狂嘅話，其實都算係一個唔錯嘅選擇。終於明白點解香港食肆會有咁多關門大吉。服務態度，出品時間，限制用餐時間，完全沒有理會消費者嘅感受。可能香港人真係需要北上消費，才可以較為平衡心態。其實再講落去都冇意思，就放長雙眼睇吓佢可以做到幾耐。

因為之前在社交平台上看到有人分享了他們的泰式豬髀船麵的照片和食評，所以我們決定親自前去品嚐一番。我們星期日的下午到訪這餐廳, 點了泰式豬髀船麵、海南雞拼滷豬髀油飯，還追加了一份蝦餅。所有的食物都相當美味，品質也非常高。他們的滷豬髀煮得入味，每一口都能感受到肉質的溶化，尤其搭配上他們獨特的泰式酸辣汁，真是美味至極。海南雞非常嫩滑，配上他們特製的油飯，讓人一吃難以停下來😋😋😋聽其他用餐的顧客說，原來他們的大廚來自泰國，這也解釋了為何他們的食物如此地道美味。總的來說，燦記茶室是一家值得推薦的泰國餐廳。如果您喜歡正宗的泰國料理，我相信您一定會對這裡的菜品感到滿意😋

今日入了馬灣珀麗灣 沙灘睇海景及行山， 眼見村屋排列整齊入去逛逛， 看見一間特色泰菜， 研究了餐牌覺得價錢幾抵食， 於是入去叫了3份午餐， 試食後喜出望外 估唔到馬灣入面都有咁嘅水準， 和老闆閒聊原來廚師是地道泰國人， 食物水平高尤其是泰式奶茶及甜品一試難忘， 下次有機會入嚟試埋晚餐！

嚟到馬灣唔單止有得行山睇海，仲發現咗間泰國餐廳，真係一個開心嘅意外！入去之後，隨便點喇杯青檸梳打，酸酸甜甜嘅開胃正！椰子雞湯真係驚喜，椰味飄香，撈過嗰啖雞肉滑得滑唔滑嘴。海南雞更正，啖啖肉咁滑溜溜，賣相靚仔，香口之極。泰式豆芽薑撈飯唔流於平凡，豆芽爽口薑味足，撈飯正好，共鳴哂個味蕾。每樣嘢都岩曬我嘅胃口，仲有個泰辣味嘅青木瓜沙律，夠晒夠辣夠爽口！絕對係個處所，啱晒鍾意尋味嘅你我尋找難忘口味嘅時刻。🌶️🍗🥥

Intro: 呢一日就黎到馬灣工作，就去到村屋隔近嘅店舖搵食，發覺都幾多村屋嘅地舖，就見到有啲地道嘅泰國人開左一間餐廳，午時都係70蚊內，仲有泰式飲品做選擇~___________________🍽 泰式炒金邊粉💰 58 ⭐️7.5/10✍🏻 賣相真係幾地道，用左張紙（底下有碟）去裝住金邊粉，仲有花生碎去撈；✍🏻 金邊粉嘅配料都係花生碎、雞肉、蛋、豆腐乾等等，整體份量算多；✍🏻 金邊粉炒得幾香，甜酸味岩岩好，不過雞肉偏硬；🍹 泰式奶茶💰 跟餐+6 ⭐️8.5/10✍🏻 呢間餐廳嘅泰式奶茶落嘅奶比較多，泰式紅茶嘅茶味相對較少，奶味更香更突出；✍🏻 個人更好多奶嘅泰式奶茶，甜度岩岩好；___________________🏠 燦記茶室📍 馬灣馬灣大街村東9號地舖⭐️ 8/10___________________

馬灣的確餐廳唔多，好彩經過發現到燦記。我承認係俾佢門口個牌「老闆生日啤酒買2送1」吸引到既店舖細細，但環境十分舒適、放鬆。座位都分隔得好。我地5個人、之後又5個人、再之後10個人都坐得到。好勁！！！食物方面，5個大人叫左個4人餐。絕對夠食個人覺得最正係個冬陰公湯，其次就係燒豬頸肉、黃咖喱、青木瓜沙律。炒菜呢，公道啲講唔差既、但比較偏甜，唔係我口味。海南雞不過不失。我個人對雞要求好高sorry 不過個汁好味！最後不得不提，各侍應們very nice and friendly. 有佢哋熱情既款待，食都食得開心啲🥰強推

放假去左馬灣散心，經過依間泰式餐廳，見到門口裝修充滿泰國風味，結果俾佢吸引住，就走入嚟試吓雖然Menu上選擇好多，但見到有個2人餐好抵，1款湯，3款餸，仲跟2碗白飯，最後就揀左佢🥥椰子雞湯椰子味濃，雞都多，最好嘅係佢有個火座熱d湯，可以慢慢飲，慢慢嘆🐥無骨海南雞飯雞新鮮，肉質嫩滑，一食就知係新鮮雞，配埋佢個醬汁，味道一流🍽️泰國芽菜炒蛋佢用嘅芽菜係比較大嘅品種，加埋蛋，一匙匙咁食，好有咬口🦀咖喱炒軟殼蟹雖然依款餸要加錢，但係咁多樣入面最鐘意佢，咖喱又香又濃，仲可以用來撈飯，軟殼蟹，香濃嘅咖喱包住，正！

6:15pm 落單，openrice顯示 7pm可以攞。6:55pm去到阿姐話嗰個係openrice時間 唔關佢事 「我都未叫你黎攞 做咩落黎呀你。」跟住話要多20分鐘。最後係7:45pm左右先齊。做唔切外賣真係唔好勉強，最緊要係態度太差，唔會再幫襯！

今日入馬灣玩，去埋沙灘玩同打卡，夜晚想食泰國菜，便試下這間泰國餐廳，方便易搵*泰抵食二人餐＄348 包白飯兩碗*冬蔭功湯好耐無飲, 所以想試下, 佢係放喺個火爐上邊，下面點火, 可以保溫, 熱辣辣，飲湯一定要熱先好飲, 湯底酸辣味道適中，仲有冬陰功海鮮湯味；其他配料有蝦, 起碼有5隻, 彈牙, 蕃茄仔、野菌、香茅 等, 材料豐富*無骨海南雞（例）雞肉都幾軟滑, 份量都唔小, 提供埋酸酸地小小辣的醬汁, 點埋一齊食會好啲*咸肉炒芥蘭芥蘭菜顏色嫩綠, 新鮮爽脆，用鹹肉黎炒，好惹味，鹹肉本身夠晒鹹香和有鑊氣*鹽燒鯽魚 另加$68即叫即燒，需時30分鐘照燒而成，放埋芫茜香茅香料一齊燒, 泰菜特色,  魚皮燒到好香, 容易揭開, 魚肉很香, 肉嫩汁鮮, 很香口, 點埋生蝦汁好味*椰青，好清甜，又解渴， 除咗飲清甜椰子水, 可以食埋椰子肉, 滿足咬口, 我至愛

喺馬灣探個朋友🧒，去完朋友🧒屋企佢🧒仲帶我喺海邊行吓，幾舒服，之後我哋就嚟咗呢間泰國🇹🇭餐廳食嘢😁呢度有 $348「泰抵食二人餐」：1. 二選一：「冬陰功湯」 / 「椰子雞湯」2. 任選3款小菜，有好多款可以揀，咁我哋選擇咗「無骨海南雞（例）」、「燒豬頸肉」、「咸肉炒芥蘭」3. 白飯🍚兩碗「無骨海南雞（例）」：啖啖肉，雞肉幾軟滑幾好雞味😋「燒豬頸肉🐷」：外邊燒到啡紅色仲脆脆哋😋，豬頸肉油分極充足，好甘香😋「咸肉炒芥蘭」：芥蘭菜🥬新鮮爽脆，顏色嫩綠，用鹹肉炒，增添惹味😋，鹹肉本身就夠晒鹹香🤩$14「泰式凍奶茶」：大大杯，甜甜地，幾香奶味同茶味😋$32「椰汁冰🥥」：奶白色，甜甜哋，凍冰冰，滑滑哋，有椰奶香味🤩「椰子🥥雞湯🐓」放喺個火爐🔥上邊，熱辣辣，奶白色，湯底味道濃郁，仲有椰香味，亦有雞湯味😋；仲見到有好多配料例如：紅蔥頭、南薑、洋蔥、野菌、香茅 等🤩$58「芒果糯米飯」：有原隻芒果🥭，芒果大大隻，出奇地鮮甜😋；白糯米飯同紫糯米飯 都唔係好甜，所以食落一啲都唔膩🤩呢個二人餐真係抵食，朋友同我都食得超級飽🤩

假日入到馬灣梗係揾食先，喺馬灣村屋有幾間較平嘅餐廳，行經見到呢間餐廳做泰國菜，本來想食燒雞脾飯，可惜落單後己賣哂，唯有轉食滷水豬脾飯, 豬脾肉份量唔少都算腍，但滷水汁偏鹹，下次都係食其他款式啦