四寶食堂 (將軍澳中心)

營業中

休息中

見呢間咁多人幫襯，一直都想試試，今日終於黎喇~~ 淮山杞子蟲草花煲豬肉湯食飯前先飲個湯滋潤下，熱辣辣好鬼好飲好鬼正，燉湯好足料，食埋啲湯渣唔好浪費~馬拉盞炒芥蘭超級超級超級惹味，芥蘭非常非常嫩，送飯一流，食完一大碟都唔夠喉！有幾款菜可選，但芥蘭配馬拉盞真係絕配，頂級推介！星加坡黑醬油胡椒粉絲大蝦煲哈哈哈，因為有三隻彈牙大蝦！個粉絲索哂大蝦同醬油既味道，簡直係更上一層樓。雖然有好大煲，但都食曬就知有幾好味！低調沙嗲金菇安格斯牛肉粉絲煲相比起前幾樣佢係真係比較低調既，牛肉比較有咬口。