香香宮煮 (金巴利中心)

營業中

休息中

好想好想打邊爐添🤭今次去尖沙咀間香香宮煮食下先。湯底叫咩好？就叫個消署排骨山📣📣📣嘩嘩嘩，好足料呀⋯⋯勁多骨，湯底夠晒濃微微辣好惹味，食晒d排骨先再用個濃底打邊爐。主角更係牛肉啦⋯⋯花花公主牛魔王拼盤，有成七款牛肉，安格斯牛肉、雪花肥牛、本地手切牛肉等等超滿足。伊比利亞橡果豬，肥瘦適中好好味😋香香宮煮響鈴，用左鹹蛋黎炸熱辣辣脆卜卜超正。香香宮煮餃子拼盤，有四款樣樣試下。手打蟹子蝦滑，足料彈牙。仲叫左一壺竹蔗茅根清清熱先。