河內越式料理

營業中

休息中

一星期有兩三日會係尖沙咀做GYM, 放工過到去想拿拿林食埋飯如果唔係番到屋企就會好夜, 依間河內越式料理岩岩係正地鐵站出口, 方便又幾抵食, 環境都乾淨企理。食過幾次, 覺得依度個香茅豬扒特別好食~河內招牌豬扒飯 $62豬扒厚身得黎一D都唔韌, 睇佢表面以為佢好乾咩?又唔係wo咬落去係鬆軟有肉感, 而且好香口, 香茅味亦幾出, 因為佢夠厚所以一啖豬扒一啖飯都滿足到我胃口。, 豉油都唔洗點。越式炸蝦餅 $29係熱辣辣即炸, 口感彈牙, 外皮脆口, 點酸辣醬食更香口。龍眼冰 $12入面勁多龍眼肉, 香甜得黎又解渴, 次次黎都飲。