影片
更多
2021-03-07
449 瀏覽
點解香港餐飲界成日話啲客好難服侍，你用啲乜嘢態度某啲客人咪‘以直報怨’。就好似佢呢間舖頭咁，明明入面冇人係都要你坐門口，同佢講要坐第二度佢就黑起塊面，入嚟你嗰度食嘢仲要幫手吸引客人？你都幾好笑喎明知而家疫情嚴重，啲夥計就喺你個位度側邊行嚟行去大聲講大聲笑，都唔知乜嘢居心，坐我隔離嗰台人都因為啲夥計大大聲傾偈，兩個男人逼住坐埋一邊，情景影真滑稽但可憐。之後我又聽到有個客人話要四個人一齊坐，個夥計就同佢講四個人坐兩個中間有空隙的位都係一齊坐，咁我諗間餐廳入面一定有張四人枱個顧客先至會提出坐嗰度，點解顧客俾錢但係乜都要個餐廳話事？所以今次我同我老婆講由我來叫嘢食同埋。我老婆平時對啲夥計好客氣咁樣話’唔該‘都唔見得有乜嘢尊重，反而我大大聲話’寫嘢‘，’買單‘啲夥計好似會忌你三分咁樣，但啲夥計受氣就會向啲善良嘅顧客發洩，形成惡性循環我就叫咗個鰻魚飯，我老婆就叫咗個豬肉飯，講真啲食物質素唔係太差中規中矩，但啲鰻魚始終唔夠鬆化，而且啲溫度都唔夠熱。豬肉厚度適中，但食得出材料唔係太新鮮。呢兩個飯所用嘅米都唔係珍珠米，其實日本米係冇廣東同泰國米咁有飯味，但珍珠米就可以吸收到更加多日本醬汁，其他米係做唔到
明知而家疫情嚴重，啲夥計就喺你個位度側邊行嚟行去大聲講大聲笑，都唔知乜嘢居心，坐我隔離嗰台人都因為啲夥計大大聲傾偈，兩個男人逼住坐埋一邊，情景影真滑稽但可憐。之後我又聽到有個客人話要四個人一齊坐，個夥計就同佢講四個人坐兩個中間有空隙的位都係一齊坐，咁我諗間餐廳入面一定有張四人枱個顧客先至會提出坐嗰度，點解顧客俾錢但係乜都要個餐廳話事？所以今次我同我老婆講由我來叫嘢食同埋。我老婆平時對啲夥計好客氣咁樣話’唔該‘都唔見得有乜嘢尊重，反而我大大聲話’寫嘢‘，’買單‘啲夥計好似會忌你三分咁樣，但啲夥計受氣就會向啲善良嘅顧客發洩，形成惡性循環
我就叫咗個鰻魚飯，我老婆就叫咗個豬肉飯，講真啲食物質素唔係太差中規中矩，但啲鰻魚始終唔夠鬆化，而且啲溫度都唔夠熱。豬肉厚度適中，但食得出材料唔係太新鮮。呢兩個飯所用嘅米都唔係珍珠米，其實日本米係冇廣東同泰國米咁有飯味，但珍珠米就可以吸收到更加多日本醬汁，其他米係做唔到呢種效果
喺香港做顧客係要嚴重受氣，最好就聽聽話話唔好咁多嘢講，啲夥計叫你做乜或者鬧你你就欣然接受，咁就係佢地眼中的good boy 同 good girl
豬肉飯
$78
11 瀏覽
0 讚好
0 留言
鰻魚飯
$168
16 瀏覽
0 讚好
0 留言
張貼
