影片
更多
2025-04-11
373 瀏覽
香港有樣嘢好可惜唔知大家發唔發覺可能經營環境愈唻愈困難有質素嘅fine dining賣少見少今晚呢間我覺得要推介係因為：一、對得起價錢二、每道菜都極多細節，感覺到廚師花盡心思令每道菜都唔常見而味道有驚喜三、270度嘅夜景觀賞角度係完美🍴酸橘汁醃牡丹蝦刺身，指橘蜜糖山葵汁牡丹蝦肉上面細細粒晶瑩通透嘅原係finger lime, 用蜜糖山葵嘅原理應該同蜜糖芥末差唔多，極subtle嘅酸、甜、辛，輕輕調味，又唔搶牡丹蝦風頭。🍴乾式熟成雞胸鵝肝肉卷，大葉醃漬本菇，脆雞皮廚師刻意將兩樣一濃一淡味道嘅食材整得好似樣又放喺同一隻碟，玩味感十足。細啖因為唔想你咁快食飽，但又想味道可以盡量出，於是揀熟成。再用堅果配搭濃郁嘅鵝肝，用大葉醃漬本菇平衡鵝肝嘅油膩感。最後巧妙咁煎脆咗塊雞皮增加咗酥脆嘅口感，層次、味道都照顧埋，考慮非常周到。🍴日本帝王蟹蛋泡沫配24個月法國康帝芝士脆片及海膽食嘅次序都好重要，海膽份量好generous, 於是味蕾感覺到嘅濃郁又進一步推進，而今次係海洋風味嘅濃郁，細節仲有鮮嫩嘅帝王蟹肉，輕盈嘅蛋泡沫。 最有心思係康帝芝士製成嘅脆片，鹹香酥脆，味道上一下子立體咗。🍴紫菜蠔忌廉湯配龍蝦
香港有樣嘢好可惜唔知大家發唔發覺
可能經營環境愈唻愈困難
有質素嘅fine dining賣少見少
今晚呢間我覺得要推介係因為：
一、對得起價錢
二、每道菜都極多細節，感覺到廚師花盡心思令每道菜都唔常見而味道有驚喜
三、270度嘅夜景觀賞角度係完美
🍴酸橘汁醃牡丹蝦刺身，指橘蜜糖山葵汁
牡丹蝦肉上面細細粒晶瑩通透嘅原係finger lime, 用蜜糖山葵嘅原理應該同蜜糖芥末差唔多，極subtle嘅酸、甜、辛，輕輕調味，又唔搶牡丹蝦風頭。
🍴乾式熟成雞胸鵝肝肉卷，大葉醃漬本菇，脆雞皮
廚師刻意將兩樣一濃一淡味道嘅食材整得好似樣又放喺同一隻碟，玩味感十足。細啖因為唔想你咁快食飽，但又想味道可以盡量出，於是揀熟成。再用堅果配搭濃郁嘅鵝肝，用大葉醃漬本菇平衡鵝肝嘅油膩感。最後巧妙咁煎脆咗塊雞皮增加咗酥脆嘅口感，層次、味道都照顧埋，考慮非常周到。
🍴日本帝王蟹蛋泡沫配24個月法國康帝芝士脆片及海膽
食嘅次序都好重要，海膽份量好generous, 於是味蕾感覺到嘅濃郁又進一步推進，而今次係海洋風味嘅濃郁，細節仲有鮮嫩嘅帝王蟹肉，輕盈嘅蛋泡沫。 最有心思係康帝芝士製成嘅脆片，鹹香酥脆，味道上一下子立體咗。
🍴紫菜蠔忌廉湯配龍蝦油煎帶子
濃郁香味再推一格係點？用蠔唻做忌廉湯。再推多一格係點？放埋用龍蝦油煎嘅帶子。
🍴意大利麵捲釀雜錦海鮮及五花肉，松露康帝芝士忌廉汁
有趣嘅係，之前中餐食過一個酥皮海鮮盒，味道同呢道菜有七成相似，但呢款海鮮嘅雜錦程度應該係再豐富啲，芝士忌廉汁再輕盈啲，而且用意大利麵捲原來口感上比酥皮更好，更能食到海鮮鮮味同五花肉。
🍴A4和牛西冷配脆炸芋頭鴨腿餅，椰子牛肉汁
以椰子渣為飼糧嘅日本國產牛，口感鬆軟，入口即溶，有種奶香嘅味道，配搭脆炸芋頭鴨腿餅，一嫩一脆。
🍴榛子朱古力慕絲配鹽味焦糖開心果忌廉
榛子朱古力慕絲同鹽味焦糖開心果忌廉嘅鹹甜交錯，質感細滑，份量點到即止，精緻又唔會膩。
最後就係不得不提呢個夜景，270度飽覽，真係好浪漫好迷人。
張貼
