Poking

平日午市在上環找東西吃原來不容易，地鐵站出來就見幾間三餸飯大排長龍，想食得健康又營養均衡其實仲可以試下poke bowl，蔬菜和蛋白質一碗食齊晒，而且烹調方式少油少鹹無負擔，天氣開始熱要修身吃這個也很合適！小店位於新舊共存的上環蘇杭街，附近有各式各樣不同類型餐廳，這間應該食得最健康。長型店面入面座位不多，不過午市亦唔算多人，買外賣返公司食都好方便。坐低食的話大概有5選二人檯，座位遍窄，大隻少少都坐唔落。Poke Bowl 可以自由配搭，想吃甚麼自己話事。也有幫你配搭好的菜式，其中兩個係素食選擇，一個全綠色用醬油，另一個彩虹色配胡麻醬。Eat Your Green HK$68每款碗都可以揀白飯、糙米飯或沙律菜底，我就揀了沙律菜，結果成碗都係蔬菜，不過因為有豆腐有菇有豆，蛋白質夠就比想像中飽肚。味道都係偏清淡果邊，鹹鹹地有豉油味，整件事就非常小清新，天氣開始熱吃這個就很清爽。