馬來椰爺

營業中

休息中

呢間大角咀嘅馬來椰爺我覺得佢稱得上係香港數一數二嘅喇沙名店，其實成日都食馬來西亞野但係我覺得佢哋真係比起我之前食過嘅好食好多🥹見到佢哋嘅小食十分之吸引，最後決定叫一個馬來西亞地道嘅鮮牛油班蘭椰香手工咖央多士🥰哇！超級香脆嘅咖央多士，中間夾住厚厚嘅鮮牛油🧈，熱辣辣嘅多士令牛油呈半溶化狀態，十分邪惡！令人流哂口水🤤呢個虎蝦海鮮 無味精 檳城白咖喱湯 摻摻都有驚喜，佢哋個湯底真係十分之足料，味道好濃郁，原來佢哋係用咗自己炒的醬汁調製而成，見佢哋用咗好多唔同嘅香料，絕對唔馬虎！另外佢哋嘅虎蝦都好新鮮，味道鮮甜，連埋湯底食真係好正啊😍