磯の水產

營業中

休息中

阿女今日帶我去觀塘海濱道食日本菜，磯の水產裝修以日本居酒屋設計，置身其中好有日式格調，用餐環境氣氛良好。入座後送上免費的香茶和小食，小食係酸辣無骨鳳爪，味道酸甜又爽口。廣島蠔鍋，加20元有半個烏冬跟鍋上，蠔鍋用料上乘又新鮮，湯底鮮甜，蠔肉飽滿，味道甘香，口感滑溜，配料都好豐富，有娃娃菜、金菇、冬菇、日本魚蛋，材料吸收湯汁一齊食，鮮味十足！三色焗蠔，蠔肉飽滿肥美，口感富彈性，肉質鮮甜嫩口又滑溜，味道濃郁甘香。三種味道都各有特色，蒜蓉味香、蜜糖芥末味的口感滑順香甜、芝士惹味！蒜蓉燒茄子，剛燒好的茄子外皮焦脆，瓜肉吸收醬汁後，軟糯味濃。雞翼串燒得皮脆肉嫩，夠味又香口。吉列炸蝦外層金黃鬆脆，蝦肉彈牙。芝麻雞翼外皮金黃酥脆，咬開雞翼嫩滑，加上白芝麻嘅香味，十分滋味。七彩火龍卷，由壽司飯扎實地包裹著香脆的炸蝦製成，入口既有壽司飯的酸香煙韌，又能享受炸蝦的炸酥香脆。三文魚壽司：即叫即做，三文魚唔會太薄，食落有口感。巨峰提子梳打果味清香，飲落甜甜地好清新，同樣充滿汽水有汽的感覺。靜崗蜜瓜就係用靜岡產嘅蜜瓜做成嘅果汁加上梳打水，味道清新甘甜，有一種日本風情。