影片
更多
2025-04-24
4 瀏覽
打開假日嘅方式就應該食返個法式brunch上環都可以算係香港僅存一個殖民地氣息較重嘅地方差館里呢條斜路唔多車亦唔多人喺度望住窗口食brunch相當chill氣氛好輕鬆拍拖或者同三四個朋友唻都好適合今日嗌嘅呢個brunch set份量好好豐富到好似晚餐咁但又唔會飽到有負擔餐廳嘅裝修同食物都係好authentic嘅法國風情🍽️是日法式檸檬汁漬魚生以白身魚作為三道前菜嘅第一款，以檸檬汁輕輕醃過，帶啲啲微酸，清新、輕盈、開胃。🍽️法式蒜蓉牛油焗蝸牛蝸牛處理得好好，冇泥味，上枱極熱，只係食到蒜蓉牛油嘅香同蝸牛肉煙韌嘅口感，最後用法包點埋個汁，一餸二食。🍽️法式雞肝醬配脆麵包雞肝醬好香好滑，上面嘅醬嘅咸香味，有啲啲中式臘腸嘅感覺，但兩者加埋一齊居然點綴得好好，甜中帶鹹，有種嗒落又比第一啖有變化嘅驚喜。🍽️生蠔雖然俾齊哂附有洋蔥粒嘅紅酒醋，但生蠔本身亦好新鮮好夠海水味，原汁原味食都已經好好。仲有兩杯生薑味嘅shot俾食客清一清味蕾。🍽️煎海鱸魚魚皮煎到香脆，而魚肉就仲保持到嫩滑多汁，配搭嘅白酒奶油醬，同一般食到嘅白汁比，有種好細緻香滑嘅感覺。🍽️法式生牛肉他他配多士主菜揀咗牛肉他他，覺得真係非常好嘅選擇，幼細滑
打開假日嘅方式
就應該食返個法式brunch
上環都可以算係香港僅存一個殖民地氣息較重嘅地方
差館里呢條斜路唔多車亦唔多人
喺度望住窗口食brunch相當chill
氣氛好輕鬆
拍拖或者同三四個朋友唻都好適合
今日嗌嘅呢個brunch set份量好好
豐富到好似晚餐咁
但又唔會飽到有負擔
餐廳嘅裝修同食物都係好authentic嘅法國風情
🍽️是日法式檸檬汁漬魚生
以白身魚作為三道前菜嘅第一款，以檸檬汁輕輕醃過，帶啲啲微酸，清新、輕盈、開胃。
🍽️法式蒜蓉牛油焗蝸牛
蝸牛處理得好好，冇泥味，上枱極熱，只係食到蒜蓉牛油嘅香同蝸牛肉煙韌嘅口感，最後用法包點埋個汁，一餸二食。
🍽️法式雞肝醬配脆麵包
雞肝醬好香好滑，上面嘅醬嘅咸香味，有啲啲中式臘腸嘅感覺，但兩者加埋一齊居然點綴得好好，甜中帶鹹，有種嗒落又比第一啖有變化嘅驚喜。
🍽️生蠔
雖然俾齊哂附有洋蔥粒嘅紅酒醋，但生蠔本身亦好新鮮好夠海水味，原汁原味食都已經好好。仲有兩杯生薑味嘅shot俾食客清一清味蕾。
🍽️煎海鱸魚
魚皮煎到香脆，而魚肉就仲保持到嫩滑多汁，配搭嘅白酒奶油醬，同一般食到嘅白汁比，有種好細緻香滑嘅感覺。
🍽️法式生牛肉他他配多士
主菜揀咗牛肉他他，覺得真係非常好嘅選擇，幼細滑溜肉嫩又有口感，雖然係牛肉，但保持到brunch嘅輕盈。
🍽️朱古力慕絲、雲呢嗱雪糕、檸檬撻
好精緻，而且居然有三款，好豐富，mousse香濃細滑，配杏仁片，香口又有層次。檸檬撻就最驚喜，面層係厚厚一層火焰蛋白霜，入口即化，甜而不膩，底下嘅檸檬餡甜酸交錯，撻皮香脆，係個好清新嘅highlight。
張貼
