影片
更多
2024-01-20
108 瀏覽
南區的人有福了！香港仔終於有日式放題😆而且價錢都唔算好貴，Lunch都係$268，算係咁上下。餐廳環境唔錯，枱都幾大張，唔會坐到逼逼夾，坐得都幾舒服。落單要寫紙仔，員工收單同上菜都幾快手👍🏻刺身一開波就一口氣叫咗好多刺身😆三文魚同油甘魚都幾大塊，食落好鮮甜好肥美；帶子好彈牙；赤蝦好大隻，蝦頭無黑，都好鮮味；北寄貝赤貝肉質都好爽脆；希靈魚好多魚籽，好好食。特色卷物因為唔想食咁多飯，所以唔敢叫太多壽司卷物，只叫咗一款黄金肉鬆金龍卷，肉鬆都幾香口，中間的炸蝦好香脆。燒物佢d燒物好多都做得好好，翻兜咗幾次😍菠蘿睇顏色好淺色，皮又好似青青哋，一開始都驚會唔甜，點知食落好香甜，翻叫咗幾次👍🏻香草燒羊架勁有驚喜，羊架好濃肉味但唔太羶，肉質軟腍多汁，一咬就開，完全唔乾唔柴，無諗過會係日式放題店食到咁高質的羊架，真係好食過好多西餐廳，所以都翻兜咗幾件🥰鹽燒大海蝦意外地好大隻，食落肉質結實，味道鹹鹹哋好惹味。甜薯香甜軟糯，金菇肥牛卷的牛肉都唔差，燒得幾好食😋炸物芝麻雞翼非常juicy，外皮好香好脆，好欣賞佢連雞翼尖都好食😋紫心香芋丸好軟糯，香芋餡甜而不膩，唔錯🥰前菜柚子蝦沙律又係翻兜咗幾次，蝦肉爽口彈牙，
南區的人有福了！香港仔終於有日式放題😆而且價錢都唔算好貴，Lunch都係$268，算係咁上下。
餐廳環境唔錯，枱都幾大張，唔會坐到逼逼夾，坐得都幾舒服。落單要寫紙仔，員工收單同上菜都幾快手👍🏻
刺身
一開波就一口氣叫咗好多刺身😆
三文魚同油甘魚都幾大塊，食落好鮮甜好肥美；帶子好彈牙；赤蝦好大隻，蝦頭無黑，都好鮮味；北寄貝赤貝肉質都好爽脆；希靈魚好多魚籽，好好食。
特色卷物
因為唔想食咁多飯，所以唔敢叫太多壽司卷物，只叫咗一款黄金肉鬆金龍卷，肉鬆都幾香口，中間的炸蝦好香脆。
燒物佢d燒物好多都做得好好，翻兜咗幾次😍
菠蘿睇顏色好淺色，皮又好似青青哋，一開始都驚會唔甜，點知食落好香甜，翻叫咗幾次👍🏻
香草燒羊架勁有驚喜，羊架好濃肉味但唔太羶，肉質軟腍多汁，一咬就開，完全唔乾唔柴，無諗過會係日式放題店食到咁高質的羊架，真係好食過好多西餐廳，所以都翻兜咗幾件🥰
鹽燒大海蝦意外地好大隻，食落肉質結實，味道鹹鹹哋好惹味。
甜薯香甜軟糯，金菇肥牛卷的牛肉都唔差，燒得幾好食😋
炸物
芝麻雞翼非常juicy，外皮好香好脆，好欣賞佢連雞翼尖都好食😋
紫心香芋丸好軟糯，香芋餡甜而不膩，唔錯🥰
前菜
柚子蝦沙律又係翻兜咗幾次，蝦肉爽口彈牙，柚子甜而不澀，加埋柚子醋，成個沙律好清爽，好解膩。
蟹籽沙律都唔錯，好多沙律醬😆
和風料理
日式茶碗蒸都好足料，碗底有好大隻蝦同日式魚板，蒸蛋本身都幾濃味，有少少鹹，都幾啱口味。
清酒煮蜆的蜆肉勁有清酒味，好好食👍🏻
一品料理
辣酒煮花螺，其實唔太辣，螺肉爽口，不過要落手食有dd 麻煩🤣
香蔥蒜蓉蒸帆立貝的貝柱好飽滿好彈牙，橙色位都好食，加埋蒜蓉同粉絲真係絕配。
和風焗廣島蠔的蠔肉都幾大粒，食落都幾鮮甜，加埋白汁都唔錯。
食咗好多肉，咁就叫個飛天通菜😝呢款都有d驚喜，通菜好爽脆，食落少少辣但好好食😋
天婦羅
天婦羅的炸皮都做得唔錯，非常脆口，虎蝦好大隻，好爽口，茄子&南瓜都幾香甜軟腍，好食👍🏻
甜品
叫咗Häagen-Dazs 的抹茶雪糕同焦糖脆餅雪糕，本來想試菠蘿雪葩，可惜無貨😫
瀛火日式放題 (香港仔)
香港仔南寧街14號香港仔中心五期地下4B號舖
*上述文章只供參考及以當時價格為準
張貼
