麵尊

營業中

休息中

呢間車仔麵都開咗一排，一路都無諗住去食，不過嗰日收工之後，出咗香港仔，唔知食咩好，經過咁就不如試下佢啦。好彩入咗來，食過又真係幾出色下。記住佢有最低消費，每人最低$40，都正路嘅，開得鋪下下齋坐佢都好難為到皮。車仔麵我食得好傳統，例必揀油麵／酸齋／大腸／雞中翼，菜都無條就啱晒我呢啲食肉獸，哈哈哈。有兩款辣汁，都係標榜自家制，有麻辣汁／咖哩汁，每款都分咗4個辣度，我又係揀傳統嘢，咖啡汁中辣啦，再剔埋腩汁，出到來嗰湯汁好濃厚，咖哩汁又唔搶味，好正。油麵唔會浸得好淋，軟硬適中。酸齋俾得幾多下，雞中翼就正路兩隻，大腸都多。簡直係好滿足。寫寫下，又想食添，一於搵日再食過。