梨花苑韓國料理 (已結業)

今日約左朋友過澳門，去之前係上環食個lunch先啦。突然想食韓國野，於是揀左呢間韓國人開嘅梨花苑試一試。餐廳都算係古式韓國餐廳裝修，餐枱餐櫈以梨花木為主。午餐餐牌菜式多元化，你講得出嘅傳統韓國菜式都會有，今日我點左個韓式豬什湯，因為好懷念係韓國食嘅血腸。雖然只係一個午餐，但餐前配菜絕不馬虎，傳統6小碟齊全，有泡菜、豆腐、芽菜等等，泡菜味道偏酸，似是自家製。韓式豬什湯除了有必備的血腸，亦有豬肚豬肝。湯底泡菜味比較淡，配合白飯一齊食，合格水平啦。總括來說，味道合格但不算是一間非常正宗的韓國餐廳，食物味道應因應香港人調整過，韓國菜應有的辣勁消失了，不愛吃辣的朋友會較適合。