影片
更多
2016-04-26
566 瀏覽
今日黎奧海城搵個好耐無見既朋友，難得咁耐無見都想搵間坐得舒服食得開心ge.誤打誤撞就去左UG 間穴，見佢門口都裝修得幾靚，好爽快咁就簡左佢lu!大概等左一分鐘就安排到入座! 我坐既係二人餐台，其實都有d 小吧台可以坐ge~menu 方面，其實都好多選擇，有丼啦，串燒，魚生飯啦，好多野簡。不過我同朋友就睇中左特上串燒御膳，聽講呢度最拿手既係串燒! 無幾耐，前菜就黎喇。最先黎既呢個前菜我非常鍾意!! 佢係d 飛魚子雪到變左一舊正方型，夾唔會散，但入口就會散開! 好得意呀個口感! 再加埋D 沙律醬，好開胃蟹籽沙律呢個不過不失la，d菜幾新鮮! 個醬都幾特別，有少少泰式辣醬味，又有少少醋味，都係開胃既!海鮮蒸蛋蒸蛋好滑，調味完全岩岩到位！暖笠笠咁送上，好味道！前菜黎哂，終於到主角喇。未上台已經聞到香噴噴既串燒味，應該係岩岩燒起ge!牛舌同牛肋肉真係不得了，牛味好重呀! 醃得岩岩好，少少鹽吊起個肉味 好好味!!!燒冬菇同燒大蔥都幾惹味，栗米就有少少燶左，但都幾清甜!雞翼同免治雞肉串都燒得幾好，皮脆香口，但D 肉都鮮嫩，OK!! 燒海蝦同多春魚正正常常，可能因為個人不太喜好海產，無咩特別大既感
誤打誤撞就去左UG 間穴，見佢門口都裝修得幾靚，好爽快咁就簡左佢lu!
大概等左一分鐘就安排到入座!
我坐既係二人餐台，其實都有d 小吧台可以坐ge~
menu 方面，其實都好多選擇，有丼啦，串燒，魚生飯啦，好多野簡。不過我同朋友就睇中左特上串燒御膳，聽講呢度最拿手既係串燒!
無幾耐，前菜就黎喇。最先黎既呢個前菜我非常鍾意!! 佢係d 飛魚子雪到變左一舊正方型，夾唔會散，但入口就會散開! 好得意呀個口感! 再加埋D 沙律醬，好開胃
蟹籽沙律呢個不過不失la，d菜幾新鮮! 個醬都幾特別，有少少泰式辣醬味，又有少少醋味，都係開胃既!
海鮮蒸蛋蒸蛋好滑，調味完全岩岩到位！暖笠笠咁送上，好味道！
前菜黎哂，終於到主角喇。未上台已經聞到香噴噴既串燒味，應該係岩岩燒起ge!
牛舌同牛肋肉真係不得了，牛味好重呀! 醃得岩岩好，少少鹽吊起個肉味 好好味!!!
燒冬菇同燒大蔥都幾惹味，栗米就有少少燶左，但都幾清甜!
雞翼同免治雞肉串都燒得幾好，皮脆香口，但D 肉都鮮嫩，OK!!
燒海蝦同多春魚正正常常，可能因為個人不太喜好海產，無咩特別大既感覺!
最後準備賣單之際，竟然有小甜品，係我最鍾意既雪米滋!!! 哈哈哈呢餐真係好滿足
總括而言，呢個午餐都幾正，一分錢一分貨，都交足功課，下次黎會試下食晚餐！
張貼
