影片
更多
2021-06-23
67 瀏覽
每次經過灣仔利東街都會有一陣清香噗鼻嘅麻油味，一直以嚟都好想尋找到呢陣香氣係由邊度傳嚟，到今日終於搵到答案！今日同飯腳一齊去食一間超猛過江龍嘅日式丼店，一入餐廳就解答咗一直以嚟疑問。用上古麻油同埋秘製嘅醬汁配方，整間餐廳都充滿住陣陣油香味，食慾大增！金子半之助嘅總店係喺東京，主打天婦羅丼。上Google做吓功課先知原來佢地日本總店已經連續五屆榮獲日本全國天丼金賞，而且香港分店嘅食材進口商都係同日本同一間供應商，所以食材用料都保證高質。1.江戶前天丼定食招牌必食天丼，有齊鰻魚、炸蝦、帆立貝天婦羅餅、溫泉蛋等嘅組合，非常豐富嘅天丼。上菜前已經閒到令人垂涎三尺嘅麻油香味，加上足足有30CM長嘅鰻魚天婦羅，不論色香味都樣樣滿分。炸蝦同帆立貝天婦羅餅口感新鮮且彈牙，炸溫泉蛋配合埋江戶特製醬汁撈飯一齊食，口感香氣都升華去另一個境界。2.上天丼定食呢一款主打嘅天丼，比較特別嘅係呢款會有白身魚，另外都配上炸蝦、帆立貝天婦羅餅、溫泉蛋、海苔加莢豌豆。白身魚嘅口感幾特別，比想像中魚肉口感彈牙，而且無骨可以啖啖肉咁食。兩個定食都會有埋味僧湯，醒胃前菜同埋黑豆茶。食完較為heavy 嘅天婦羅即刻飲返杯黑豆茶解
每次經過灣仔利東街都會有一陣清香噗鼻嘅麻油味，一直以嚟都好想尋找到呢陣香氣係由邊度傳嚟，到今日終於搵到答案！今日同飯腳一齊去食一間超猛過江龍嘅日式丼店，一入餐廳就解答咗一直以嚟疑問。用上古麻油同埋秘製嘅醬汁配方，整間餐廳都充滿住陣陣油香味，食慾大增！
金子半之助嘅總店係喺東京，主打天婦羅丼。上Google做吓功課先知原來佢地日本總店已經連續五屆榮獲日本全國天丼金賞，而且香港分店嘅食材進口商都係同日本同一間供應商，所以食材用料都保證高質。
1.江戶前天丼定食
招牌必食天丼，有齊鰻魚、炸蝦、帆立貝天婦羅餅、溫泉蛋等嘅組合，非常豐富嘅天丼。上菜前已經閒到令人垂涎三尺嘅麻油香味，加上足足有30CM長嘅鰻魚天婦羅，不論色香味都樣樣滿分。炸蝦同帆立貝天婦羅餅口感新鮮且彈牙，炸溫泉蛋配合埋江戶特製醬汁撈飯一齊食，口感香氣都升華去另一個境界。
2.上天丼定食
呢一款主打嘅天丼，比較特別嘅係呢款會有白身魚，另外都配上炸蝦、帆立貝天婦羅餅、溫泉蛋、海苔加莢豌豆。白身魚嘅口感幾特別，比想像中魚肉口感彈牙，而且無骨可以啖啖肉咁食。
兩個定食都會有埋味僧湯，醒胃前菜同埋黑豆茶。食完較為heavy 嘅天婦羅即刻飲返杯黑豆茶解膩消脂，可見餐廳非常細心。
張貼
