餃掂手工餃子雲吞專門店

今日下晝好肚餓，喺中環行咗好耐都唔知食咩，行到威靈頓街見到有間餃子店就入咗去食。一入到去冇人叫我掃安心出行，店員服務有啲差，我好乖咁做做安心出行就坐低叫咗一碟豬肉芫茜煎餃同埋一份皮蛋。煎餃好香， 香到我唔記得影相，食到最後一粒先記得要影返相，食材新鮮又足料，每一啖都係芫茜味。餃子皮煎都好脆，又唔係好燶，做得好好。醬料亦都有兩款辣椒油，十分貼心。另外仲叫咗份皮蛋，一般般冇乜特別。埋單食唔算好貴感覺都算抵食。