小曼谷泰國美食 (已搬遷) 新店位置

早幾日突然間好想食泰國野，難得今日收早✌🏻，咁就梗係約齊腳向九龍城出發，其實九龍城有好多間泰國菜，食過好多間，真心講只有呢一間會係返轉頭再幫襯👍🏻，去到都只係18:10，所以冇咩人，唔駛等就可以馬上入座，而服務員態度親切👍🏻，1）極上燒安格斯西冷牛小排，燒得剛剛好，牛肉味好濃，油脂分佈得不錯👍🏻，只係上面加上少少鹽就已經好好食👍🏻，絕對要試，2）明爐蒸烏頭，魚身好滑，好新鮮，因為本身個魚湯係唔辣嘅，所以有兩個汁係另上嘅，其實2個都係酸辣汁，但橙色嗰個汁偏辣，而啡色嗰一個汁就係偏酸，我個人比較喜歡啡色嗰一個汁😝，3）泰王咖喱炒海鮮，呢個好香，仲要好大碟🙈，裏面有，蝦🦐、青口、魷魚🦑、帶子同埋蜆，全部海鮮都非常新鮮蝦同青口非常彈牙，而且蜆都非常大隻，呢個咖喱唔係辣，但好香👍🏻👍🏻，加埋蒜蓉包一齊食真係一流，4）蒜蓉包，好香蒜蓉味，焗到脆卜卜，5）飲品方面叫咗一個泰式龍眼冰同埋菠蘿冰，兩個都不錯👌🏻，整體來講絕對值得一試，個人推介泰王咖喱炒海鮮同埋極上燒安格斯西蘭牛小排👍🏻👍🏻