影片
更多
2019-06-21
947 瀏覽
係K11行街，見到Lift口個廣告，被辣吸引左，就上左去3樓霸王川莊食。 裝修雖然以黑色為主，但係設計好摩登，好寬敞舒服。出面仲有戶外露天有座位，都可以食火鍋。 由於我地人數都唔少，所以叫左3款火鍋湯底試，有鴛鴦鍋嘅水煮鴨血豆腐及天麻燉鴿、南充酸菜魚。落單唔使叫侍應，台面有QR Code可以Scan，好方便😀 一上鍋就聞到好濃郁嘅香味，同埋餐廳一入去就見到個大大既香料bar，有四川既紅花椒同青花椒、子彈頭、二荊條、川薑等，睇得出係香料同湯底上用左唔少心機。試左啖湯真係好濃郁，辣都辣得有層次感，打邊爐最怕湯底無味~ 水煮鴨血豆腐鍋，中意食辣嘅人一定流哂口水，係好多種辣椒同香料煮成嘅辣湯。而天麻燉鴨，天麻係中藥材，故名思義有種藥膳養生嘅感覺。最後，南充酸菜魚，都係好香，酸酸辣辣咁，有少少辣又唔會蓋過酸菜嘅味道，好開胃。 叫左一盤海鮮拼盤，入面有蝦啊、青口、龍蝦、鮑魚等，好鮮甜。 雞肉同豆腐好嫩滑，一食就停唔到口。 佢啲白蘿蔔切成一片片，食落好爽甜，同平時食個啲口感唔同。 牛肉擺盤奪目，扭左朵花出嚟，最正係入口即溶，肥瘦岩岩好。 最後係我最中意食嘅木薯粉條，一定要放辣鍋，呢隻辣以麻為主，好香
裝修雖然以黑色為主，但係設計好摩登，好寬敞舒服。出面仲有戶外露天有座位，都可以食火鍋。
由於我地人數都唔少，所以叫左3款火鍋湯底試，有鴛鴦鍋嘅水煮鴨血豆腐及天麻燉鴿、南充酸菜魚。落單唔使叫侍應，台面有QR Code可以Scan，好方便😀
一上鍋就聞到好濃郁嘅香味，同埋餐廳一入去就見到個大大既香料bar，有四川既紅花椒同青花椒、子彈頭、二荊條、川薑等，睇得出係香料同湯底上用左唔少心機。試左啖湯真係好濃郁，辣都辣得有層次感，打邊爐最怕湯底無味~
水煮鴨血豆腐鍋，中意食辣嘅人一定流哂口水，係好多種辣椒同香料煮成嘅辣湯。而天麻燉鴨，天麻係中藥材，故名思義有種藥膳養生嘅感覺。最後，南充酸菜魚，都係好香，酸酸辣辣咁，有少少辣又唔會蓋過酸菜嘅味道，好開胃。
叫左一盤海鮮拼盤，入面有蝦啊、青口、龍蝦、鮑魚等，好鮮甜。
雞肉同豆腐好嫩滑，一食就停唔到口。
佢啲白蘿蔔切成一片片，食落好爽甜，同平時食個啲口感唔同。
牛肉擺盤奪目，扭左朵花出嚟，最正係入口即溶，肥瘦岩岩好。
最後係我最中意食嘅木薯粉條，一定要放辣鍋，呢隻辣以麻為主，好香，薯粉好煙韌好正😍
同埋佢提供八寶茶，飲落幾特別同甘甜，有啲口感又可以解辣。
不過，位置有少少偏，係尖東站一出直行左邊就會見到架Lift，Lift口貼住霸王川莊廣告，三樓一出就已經係。
張貼
