-
見到呢間餐廳做蟶子推廣，心郁郁又去試下😙
蒜蓉蒸海蟶、椒鹽哆頭蟶（$199兩碟）
見到做$199兩碟既推廣，當然試兩種食法。蒜蓉蒸海蟶一上台已經好香蒜味，趁熱食一流，有成十條蟶子😋（個口臭左成晚😹😹）
另外椒鹽蟶子好肥美，金黃酥脆，香口惹味，份量同樣唔少，配埋炸茶樹菇，送飯一流！
傳統海蠣煎（$119）
呢個蠔餅有4大塊，比起平時食炸蠔餅冇咁香口，不過就好多蠔仔🦪，配埋酸辣醬食都幾惹味。
莆田荔枝肉（$89）
呢個類似咕嚕肉，甜酸開胃，重點係冇骨，啖啖肉，外層炸得香脆😎另外仲有荔枝一齊炒，好鮮甜😋
金湯時蔬（$79）
配上皮蛋、鹹蛋黃一齊煮，湯底好濃郁，莧菜好入味👍🏻
大白菜燉軟豆腐（$119）
想飲下湯又食下菜，最後叫左呢個湯，原來蟶子everywhere，呢個湯都有蟶子😂豆腐唔係平時食開既滑身白豆腐，係豆卜，配搭上黎又幾清甜。
福建紅菇海鮮鹵麵（$108）
呢個麵我地最後先食，已經發漲晒🥲材料好豐富，有蝦、蟶乾、花蛤、紅菇等等，麵都係紅色！呢個一定要趁熱同埋盡快食🙈（ps:呢個都有蟶子，都幾大條，蟶子everywhere again😹)
環保方面，餐廳裝修雅緻，坐得舒服，枱與枱之間有適當距離。餐廳有前菜附上（今日係醋香雲耳），另外配上菊花茶，清香解膩。
