影片
更多
2024-06-23
328 瀏覽
📍QUE 🔍銅鑼灣軒尼詩道500號希慎廣場URBANHOOD B1樓B111-112號舖-----希慎廣場B1層裝修後引進了不少新餐廳，呢間西式Fusion日式餐廳每次經過多人流都好多人，平日夜晚8點黎到，難得唔使等位，就決定一試究竟。餐廳裝修行摩登日風，淺木系顏色加上亮黃燈光，柔和中帶點溫馨。.二人套餐（$498 2位）🥑牛油果角切魚生沙律（+$28）🦀軟殼蟹壽司塔可🐟香蔥拖羅蓉牛油果醬壽司塔可🦪酥炸廣島蠔（4件+$12）🐠五點刺身盛（+$98）🍶柚子清酒提拉米蘇盒子配柚子麻糬🍹香桃富士梳打（+$38）前菜是牛油果角切魚生沙律，牛油果質感軟滑加上鮮甜魚生及和風柚子醬油提味，清爽開胃。壽司塔可一直係佢地嘅Signature，期待已久，好彩無失望，貌相精緻，打卡一流，炸完嘅紫菜乾爽酥脆，無論係搭配厚肉軟殼蟹或是拖羅蓉餡料均不錯。酥炸廣島蠔外脆內嫩，咬落熱辣辣好多汁，搭配檸檬🍋醬汁幾有新意，可以平衡到炸物油膩感。五點刺身盛就係正常嘅刺身set，裡面有三文魚、吞拿魚、帆立貝、馬刀貝及赤蝦，質素穩陣高質，不過如果想食呢間餐廳先食到嘅特色味道，揀選其他主食可能會更好。最後嘅甜品是整餐最驚艷所在，
🔍銅鑼灣軒尼詩道500號希慎廣場URBANHOOD B1樓B111-112號舖
-----
希慎廣場B1層裝修後引進了不少新餐廳，呢間西式Fusion日式餐廳每次經過多人流都好多人，平日夜晚8點黎到，難得唔使等位，就決定一試究竟。
餐廳裝修行摩登日風，淺木系顏色加上亮黃燈光，柔和中帶點溫馨。
.
二人套餐（$498 2位）
🥑牛油果角切魚生沙律（+$28）
🦀軟殼蟹壽司塔可
🐟香蔥拖羅蓉牛油果醬壽司塔可
🦪酥炸廣島蠔（4件+$12）
🐠五點刺身盛（+$98）
🍶柚子清酒提拉米蘇盒子配柚子麻糬
🍹香桃富士梳打（+$38）
前菜是牛油果角切魚生沙律，牛油果質感軟滑加上鮮甜魚生及和風柚子醬油提味，清爽開胃。壽司塔可一直係佢地嘅Signature，期待已久，好彩無失望，貌相精緻，打卡一流，炸完嘅紫菜乾爽酥脆，無論係搭配厚肉軟殼蟹或是拖羅蓉餡料均不錯。
酥炸廣島蠔外脆內嫩，咬落熱辣辣好多汁，搭配檸檬🍋醬汁幾有新意，可以平衡到炸物油膩感。
五點刺身盛就係正常嘅刺身set，裡面有三文魚、吞拿魚、帆立貝、馬刀貝及赤蝦，質素穩陣高質，不過如果想食呢間餐廳先食到嘅特色味道，揀選其他主食可能會更好。
最後嘅甜品是整餐最驚艷所在，提拉米蘇盒子散發淡淡柚子清香，質感滑溜奶油味道濃郁，甜度恰到好處，加上軟糯彈牙柚子麻糬，無挑剔。
張貼
