餃掂手工餃子雲吞專門店

平時食餃子，我最鍾意食甜記同埋三一，不過甜記就要九龍至有，三一就要排隊等好耐，所以有時就會過嚟呢間食。第一次食係喺灣仔嗰間店，見佢都多人排隊就試吓，發覺佢嘅湯底幾好飲，餃子都皮薄餡多大大隻。今次嚟食就叫咗椰菜豬肉餃。平時唔太肚餓，就會嗌淨餃10隻，今日肚餓都係叫返個米粉食，就配五隻餃。椰菜豬肉餃嘅椰菜好爽甜，椰菜同豬肉嘅比例又啱啱好。最鍾意佢嘅湯底，其他餃子店通常都係雞湯，但呢間唔係，仲要湯底好濃郁，配餃子食好正。