鮮入圍煮花膠雞海鮮火鍋

營業中

休息中

又來到花膠雞湯嘅時間！尖沙咀為食街（厚福街） 近期至Hit嘅海鮮火鍋，一定有呢間入圍：鮮入圍煮海鮮火鍋！😄難得疫情冇咁嚴重，就約咗朋友去打邊爐但係又唔想食得咁普通，想食得開懷之餘又健康！於是朋友就提議去尖沙咀食養生美顏滋補嘅花膠湯火鍋！聽完都好想試，即刻打電話預約！ （大家記得要先預約啊！ ）一入到餐廳內，即刻點左花膠雞湯！然後，職員火速送上火鍋配料！😂👍🏻正當我哋諗緊要點咩配菜嘅時候，大大鍋足料花膠雞湯已經送到！鮮入圍煮😱😱👍🏻最值得一讚係：當你見到大大塊嘅花膠同斬得好靚嘅雞件鋪滿喺成個湯底，見到都覺得好滿足！☺️味道又如何呢？本來以為係普通雞湯加水，點知每一啖湯都有濃郁嘅雞味同埋厚厚嘅花膠膠原！飲完就可以知道，餐廳一定係用咗好多心機同時間將花膠熬到咁淋咁滑溜滑溜！😍😍而且值得一題係：計件絕對唔係斬頭斬尾，碎濕濕嗰啲，真係原隻斬件，非常足料喎！