HANA Korean Restaurant (已結業)

呢間餐廳環境好pink，入面有一d韓文字既裝飾。我地叫左一碗人蔘雞粥，呢度主要食韓國傳統既粥，煮法同平時食既有d唔同，而且份量都幾大煲，制作需時要等耐少少，粥入面有人蔘條，紅棗，杞子，雞肉切絲等養顏食材，都幾養生。我地仲叫左一碗魚糕烏冬，韓國既魚糕好軟熟，烏冬好彈牙，食落魚糕軟綿綿既口感同烏冬既彈牙好夾入面仲有豆腐卜同菜，而且湯底清清地唔係好濃味。小食叫左一份牛肉煎餃，煎到香脆咬落脆口入面涵料超多好抵食。