餃掂手工餃子雲吞專門店

去中環上完workshop，就去附近覓食，店舖鄰近扶手電梯，地點都算幾方便！龍鳳松茸雙煎餃即叫即煎，餃子皮脆焦香，一咬入去已食到陣陣松露味，齒頰留香，豬肉結實，有一份咸香，很鮮味！粟米餃、韭菜餃呢兩款我哋order湯餃，最大原因都係因為佢哋嘅湯底～狀元九鼎湯，即係粉葛鯪魚，呢個湯真係不得了，功效可以清熱去濕，生津止渴，入口清甜，我哋真係連湯都飲晒，同餃子🥟好夾添！上湯松茸時蔬呢款松茸係一片片，配合上湯一齊煮，菜心鮮嫩無渣，入口清甜，好fresh！