牛大人台灣火鍋吃到飽 (大鴻輝(荃灣)中心)

營業中

休息中

每次嚟到都大排長龍的人氣火鍋店。有好多湯底畀你揀，我地就揀左阿嫲養生濃湯鍋以阿嫲名義製作嘅湯底，湯料有娃娃菜、紅棗同杞子，飲落的確有種暖心嘅感覺，味道帶有食材嘅鮮甜味。 火鍋料算係幾多選擇，主角牛肉都有分好多種，我試勻晒之後覺得最好味就係澳洲M9和牛牛丸同埋澳洲和牛M5牛肩卷，呢兩款肉味最濃最突出，好明顯食得出牛肉果種鮮甜味。 除咗牛肉之外，我覺得佢哋嘅餃子類都算係好抵讚，印象最深就係蛋餃類，用蛋做嘅外皮食落比傳統嘅更滑嫩，口感唔錯。 自助吧除咗醬料外，仲有自助肉臊飯同大量蔬菜同丸類火鍋料，飲料亦算多選擇，應有盡有。 最後仲有附送甜品，有雪糕或仙草選擇，我就揀咗haagen dazs嘅曲奇雪糕，估唔到係大杯裝，作為一餐嘅總結，非常滿足。