餃掂手工餃子雲吞專門店

今日放假同女朋友出左中環整啲文件野 行過見呢間餃子舖幾多人食 又唔太貴 所以就去試下啦一入到去 環境幾乾淨 衛生唔錯 抵讚首先整個頭盤 四川涼皮 辣辣地 好開胃👍🏻👍🏻一定必食 5星推薦雞翼3隻 不過不失啦皮蛋 同某間米線舖有得比😋食完前菜就食正菜啦韮菜豬肉餃 叫左10隻 好足料湯底好濃 好清甜重點黎啦 龍鳳松茸煎雙餃真係聽都未聽過 諗住試下新野 味道好特別 原來松茸味配餃子都唔錯 另外煎得岩岩口 好脆口唔係幾夠喉 再叫12隻雲吞 有得揀咩辣 我就叫左小辣 岩哂我味道 差啲食唔哂最後整返支自家製蜂蜜檸檬薏米水真材實料 每樣材料都發揮所長 唔錯唔錯🤗