餃掂手工餃子雲吞專門店

營業中

休息中

行街經過呢間餃子店時，俾佢哋個店名吸引住望多兩眼，再睇睇店外玻璃貼上嘅餐牌，就咁入去幫襯咗。 所以話改名嘅嘢真係幾重要。叫咗碗大嘅《元貝豬肉湯餃》， 湯餃嘅湯會用佢哋店嘅招牌＂狀元九鼎湯＂上。 又係一個聽起來好勁嘅湯，但其實即係粉葛煲鯪魚湯。一碗有十大隻水餃，每隻水餃睇見都係脹卜卜。 飲咗啖湯覺得個湯比較淡， 有點兒失望。 至於主角水餃， 餡料調味唔會過濃，食得到元貝，豬肉嘅鮮味， 餃子皮厚薄適中，一碗真材實料，幾好食嘅水餃。最後，買多份生餃《野生松茸素餃》返家自己煮。