餃掂手工餃子雲吞專門店

Lunch唔想食咁飽，同同事揀左食餃子🤤。作為一個餃子控都無留意灣仔呢個位有間餃子店！等左15分鐘左右，又唔算好耐，雖然坐得有少少逼，但樓底高又唔算好有壓逼感。同同事2個都唔太肚餓，所以一人叫左中碗湯餃(7隻)互相share 😚。🔅雲耳椰菜豬肉餃(中碗湯餃) ($43)餃子唔算好巨型，不過都有隻匙羹咁大😎。餃子皮厚薄適中，好足料，又無一咬就散開晒。有菜同木耳口感比較爽口，唔錯👍🏻。🔅粟米豬肉餃(中碗湯餃) ($43)粟米係新鮮粟米，都幾鮮甜。另外值得一提湯幾濃粉葛同魚湯味😍，同埋強調無味精，飲落真係無味精味，又唔會好口渴👍🏻。不過覺得湯同餃子又好似唔係好夾🤣。💬因為怕太熱氣所以呢次叫晒湯餃，煎餃都係貴$4，7隻$50有找都ok。湯餃都幾滿意，應該久唔久都會黎幫襯🤤。