餃掂手工餃子雲吞專門店

今日跟同事去公司附近食餃子，款式都幾多喎，有湯餃和煎餃可選。至尊松茸豬肉餃（中碗8隻$72），跟狀元九鼎湯（單點要$20碗），個湯用粉葛、鯪魚、赤小豆、扁豆、紅蘿蔔等材料淆成，可以提升免疫力、温腎益氣等功效，味道唔濃，淡淡的唔會搶咗餃子味道。松茸豬肉餃煎得香口，聞到淡淡的松茸香氣，豬肉肉汁還在！另外叫左個雙併，大白菜豬肉餃拼元貝豬肉餃，同樣配狀元九鼎湯上。元貝味略嫌唔夠突出，而大白菜餃都ok，白菜和豬肉Mix埋，口感相對清爽啲。仲有個香煎軟心芝士餃（七隻/ $42 ），我本身鍾意煎餃香口啲，而呢個有芝士同粟米豬肉喺裏面，溶咗嘅芝士好好味，配粟米豬肉又好夾，好推介！我仲驚死淨食餃唔夠飽，叫咗個淨麵（ $20 ），份量都唔少。結果我發現，其實唔食個麵都好飽了！呢度仲免費提供酸蘿蔔，成樽拎黎俾你自己夾，又幾好喎！