甜記餃子

營業中

休息中

第一次食甜記係喺公司叫外賣，覺得好好食！上個月試咗長沙灣店堂食，今次就試下太子店堂食。太子店裝修簡約日系，喺門口睇以為係食甜品。比長沙灣店大，坐得比較舒服。湯餃、煎餃都好食😋 今次係下午茶時間，唔算好肚餓，叫咗8隻煎餃，加樽豆漿。煎餃8隻 $48🥟南瓜忌廉雞肉餃必叫！每次食甜記都會揀呢隻味，南瓜蓉超綿密鮮甜，雞肉餡比較健康，每隻餃子都餡料十足。煎餃皮唔會太厚，內餡有汁唔乾，加埋忌廉令餡料更creamy，好好食！🥟洋蔥薯仔牛肉餃又係餡料飽滿大大隻，洋蔥清甜多汁，牛肉、薯仔都食得到，味道幾夾，幾juicy。甜記嘅辣菜脯好惹味爽口，同煎餃係絕配👍🏻 我食咗兩小碟🤤🥛豆漿 $12正正常常，唔會太甜。