香港仔一品魚蛋王

營業中

休息中

晚飯唔知食乜好，就是但係屋企附近搵一間舖頭填下肚先。呢間魚蛋粉舖已經幫襯過好多次。價錢正常品質over all嚟講唔錯。餐廳喺木星街，位置方便。喺木星街電車站一落就已經係。又或者喺炮台山地鐵站行4分鐘左右就到。之前亦都有買過佢啲生料黎打邊爐。推介牛丸同埋墨魚丸。魚蛋同埋雲吞就真係麻麻哋，可以唔使再試。至於餐廳其中一個推介「魚麵」，我都食過一次，係爽口嘅，有魚味嘅，但如果鍾意食澱粉質嘅朋友就可能唔係咁啱喇。不過如果係生酮飲食嘅朋友仔就可以有多一個選擇。今日買咗外賣崩沙腩飯（$63）。崩沙腩都算好多舊，下面有啲菜。仲包埋一碗紫菜湯。味道都唔錯㗎（牛腩有咬口得黎唔會太硬，煮得好入味）。