香港仔一品魚蛋王

營業中

休息中

香港仔一品魚蛋王最近的用餐體驗令人失望。首先，該餐廳以貢丸魚麵著稱，但這次的出品卻讓人大失所望。貢丸的質感過於鬆散，沒有彈性，魚麵則顯得過於軟爛，完全沒有應有的口感和風味。這次用餐的另一個問題是服務員的態度。當向服務員反映出品的問題時，不僅沒有得到應有的重視和處理，反而遭到了惡劣的態度對待，這讓整體的用餐體驗更加不愉快。然而，值得一提的是，通菜的份量還算正常，與其他菜品不同沒有明顯的缺陷。儘管如此，單憑通菜的表現無法挽回整體的用餐體驗。總的來說，香港仔一品魚蛋王需要在出品質量和服務態度上進行重大改進，否則難以吸引顧客再次光臨。無特別肚餓 無得選擇都不會再去

夜晚10點幾路過見到仍有不少客，所以放心一試，食左清湯腩撈麵+崩沙腩米+通菜，牛腩同崩沙腩都夠腍入味，崩沙腩肥瘦適中，撈麵中的蝦子麵第一口好爽口，雖然食到底會腍左冇咁爽，可能要快食；加辣椒油有提升的效果，本人唔太食得辣，所以少少已經夠，辣香在口中散開，碟通菜就只係用淥的加腐乳，色香味對比下較遜色，但整體很不錯，絕對對得住個價錢，牛腩份量多，至於服務環境清潔等都屬正常，始終街坊生意、小舖唔會高要求，起碼落餐上菜都快，不用等太久 （本來冇諗住寫食評，但見冇咩人寫，所以寫下😂）

轉菜底只有兩條生菜，仲要好似完全冇煮過就放入碗。 原本諗住快食完走，比錢聽到話可以比八達通，問阿姐，佢係咁重覆「比現金呀x3……」我直接講我想比八達通，佢先話有$1 手續費⋯ 咁一開始講咪得囉 。 同埋完全唔明點解會有手續費🤷🏻‍♀️

牛腩河係ok好食既，但個阿姐係咩事我落order嗰陣我：唔該走芫荽阿姐：咁蔥洗唔洗幫你走埋我：無所謂，唔走囉阿姐：啲蔥同芫荽撈埋哂嫁！你走一樣唔走一樣，點樣幫你分姐！（阿姐好大聲咁keep住鬧咗我成幾分鐘）阿姐啊，其實你一開始問我「蔥同芫荽撈埋，一走走全部o唔ok」米得，問完我依樣要唔要，嗰樣要唔要，是但一樣話要就不斷鬧鬼人，其實你係米搵緊理由發洩姐

晚飯唔知食乜好，就是但係屋企附近搵一間舖頭填下肚先。呢間魚蛋粉舖已經幫襯過好多次。價錢正常品質over all嚟講唔錯。餐廳喺木星街，位置方便。喺木星街電車站一落就已經係。又或者喺炮台山地鐵站行4分鐘左右就到。之前亦都有買過佢啲生料黎打邊爐。推介牛丸同埋墨魚丸。魚蛋同埋雲吞就真係麻麻哋，可以唔使再試。至於餐廳其中一個推介「魚麵」，我都食過一次，係爽口嘅，有魚味嘅，但如果鍾意食澱粉質嘅朋友就可能唔係咁啱喇。不過如果係生酮飲食嘅朋友仔就可以有多一個選擇。今日買咗外賣崩沙腩飯（$63）。崩沙腩都算好多舊，下面有啲菜。仲包埋一碗紫菜湯。味道都唔錯㗎（牛腩有咬口得黎唔會太硬，煮得好入味）。

今日叫左幾個麵外賣 係門口等期間 見樓面個男人 帶住藍色手套 又收錢 又執台 跟住行左入廚房幫手 都係帶住果對手套 （對藍色手套係用到有少少黃 一定冇換手套 ） 見住佢就甘用手拎牛腩 裝好左個外賣盒 跟住搵隻手係果禁 🤮 出返黎見佢就甘搵張紙巾抹一抹手套D油 又再收錢 執台 ….我見到都冇晒胃口…. 可唔可以改善下 疫情期間 真係要做好衛生🙇🙇

夜晚做完運動，好肚餓，但又唔想食太飽，一碗牛腩粉就最好。我叫牛腩粉多蔥，牛腩加上蔥香，調和葷素，提升牛腩的鮮香，再加一些辣油，令食欲更好，令碗牛腩粉更加惹味，香港真好，落街就有牛腩粉食，而且價廉物美。

由你開舖食咗好多年， 以前真係好好食， 一個禮拜都會嚟幾次你個牛腩飯， 不過依家已經越嚟越少， 講真嗰句越嚟越差 ， 牛腩越 斬 越細嚿， 感覺越嚟越求其， 牛腩係要大大舊先好食， 賣相又越嚟越核突 ，求其掉上去咁樣， 再咁落去，你啲熟客會越嚟越少， 你請啲夥記， 越嚟越求其， 記得老細你 以前斬嘅牛腩係好大嚿， 慢慢你越斬越細嚿， 薄個手指， 質素 強差人意， 請檢討一下

行過北角 見到一品魚蛋王 想食下 香港特色 魚蛋粉 但入到去畀其他食品吸引了最後嗌咗個牛腩魚麵 加油菜 店舖裝修還可以 環境不錯尚算清潔可能時間上早沒有太多人 位置還算寬敞 魚麵來到 賣相一般 湯底 味道 跟其他潮州粉麵的湯底差不多沒有太大 驚喜 本身個人比較重口味略嫌 乾蔥蒜 不夠叫服務員 在拿了一大羹 牛坑腩炆得非常林及入味,啲牛腩肥瘦均勻，入口軟化 沒有黐牙的感覺 麵食 附帶幾條生菜非常窩心 魚麵口感 偏諗 沒有彈牙的感覺 油菜不過不失 價錢尚算合理 相信下次再嚟會嘗試出名的魚蛋粉

七時正開始上課，六時四十五分還在四圍揾嘢食。在急就章的情況底下，也不顧得那麼，隨便就跑進去一間店內去祭五臟廟....看到有牛坑腩點，就問一下侍應阿姐那麼晚還有沒有得叫....哈，今天晚上真幸運，竟然有....那就來一碟牛坑腩飯吧....飯未來，先喝一口紫菜湯....基本上超過九十個巴仙的味道都是師傅味，喝了一啖後就馬上放棄了....主食牛坑腩登場...嘩....坑腩片舖滿一整碟，可謂不惜工本，而且看上去肥瘦均稱，單係睇賣相，已攞足分....牛腩肉連皮帶筋絕無碎濕濕的現象出現。皮入口見爽而筋帶輕微嚼勁；肉更是軟鬆不見黏牙且有些彈牙，入口牛味濃烈。更妙的是用甜而豐惹的腩汁來撈飯，轉眼就將一大碗"靚仔"一掃光....真的想不到竟能在此嚐到那麼有水準的牛坑腩....看來這裡的招牌應改稱之為 "一品牛腩王"才對呢....

今日一行四人去左天后行維園花市，真係好熱鬧好多人，不過好正。玩完行完晚上11:00了，好肚餓，諗住係天后有乜食乜，點知當當間間食市都爆人，有排等，於是諗住沿電車路行去北角，見乜食乜。很左無幾耐，就見這間舖(未到炮台山站)，剛巧有張吉圓枱，唔駛講野，坐低落單。感覺乾淨，肥哥哥同EE好客氣，但出麵就慢左小小。肥腩河$28+细樽可樂$7，合共$35，正到不得了，又大碗，100分滿。雜面+可樂，$35，都正，90分。云吞河+可樂，$35，云吞有5粒，掂牛腩魚胶河$34，可樂$7，合共41，正魚皮油菜，全部埋單$169，平均每人$42，大碗夾好味，唔幫襯係你損失。