陸羽茶室

營業中

休息中

突然心血來潮，想去飲下茶。呢間係傳說中好多金融大佬飲茶嘅地方，的確有傳統特色－ 超過幾十年老店係有種新鋪頭取代唔到嘅味道！裏面嘅茶比一般酒樓嘅好飲，明顯係用啲比較靚嘅茶葉。價錢方面點心比出邊貴大約40%，當然味道同手工都絕對有保證。我哋正正常常叫咗蝦餃燒賣同埋糯米雞，做功好紮實，比一般嘅酒樓好食，分量方面亦都好均真，唔會有出邊嗰啲蝦餃好似中咗輻射咁細隻嘅情況出現。但當然，值唔值咁貴就見仁見智了。整體來講我幾鍾意呢度，感覺唔似出邊嗰啲酒樓咁工廠化，而且座位唔算太迫，好啱三五知己輕輕鬆鬆飲杯茶談下天，下次經過中環都會再嚟！