容龍海鮮酒家

營業中

休息中

每次到容龍飲茶，最後一定會叫呢度嘅甜品。今日咁岩見到手推車仔上面有黑白椰汁糕，見係懷舊糕點，就叫咗一碟嚟試試。黑色部份係芝麻，而白色就係椰汁。我鍾意芝麻椰汁糕會比較香口，有香濃嘅芝麻味，又有濃郁嘅椰汁味，兩款都係我比較喜歡嘅口味。最重要係椰汁糕做得質感細滑，又唔會太甜，食多一兩件都唔會太膩。而另一個必要嘅甜品就係椰王盅。椰王盅裏面嘅燉奶，滑到好似豆腐花咁，椰味同奶香都好突出，平衡得唔錯。最好嘅就係椰子肉好容易就可以刮到出嚟食，好好味！