CoCo Espresso (已結業)

今日難得放假，約左個住大埔嘅朋友食個下午茶吹下水。想搵間cafe坐底慢慢傾下計，朋友問我介唔介意去佢大埔果頭食，佢推介大埔超級城嘅Coco Espresso。我諗反正放假冇野做就當去郊遊啦！❤️煙豬面頰卡邦尼短管意粉豬面頰煎得好脆，入口好香。短管意粉較硬身，很有口感。加上雜菌，口感豐富。❤️慢煮法式油封鴨髀配牛角酥窩夫鴨髀好大塊，同朋友share都覺得飽。配埋酸菜一齊食更易入口因為酸菜的酸味幫助消化又開胃，感覺冇咁滯。將蜜糖倒在窩夫上，吃一口——甜蜜滿瀉～🥰❤️核桃及朱古力雪糕牛角酥窩夫🧇核桃脆，令窩夫食起黎更添口感。熱呼呼的窩夫配上冰凍雪糕冰熱交融，是一大享受～🥰我最鍾意食朱古力🍫，朱古力口味嘅雪糕簡直係為我而設！😍❤️Smoothie(Mixed Berries)雜莓沙冰食到一粒粒雜莓種子，真係真材實料呀！酸酸地飲完好開胃！❤️Mocha咖啡師在咖啡上拉了個很美的圖案😍。打卡良久才捨得飲。朱古力的甜和咖啡的苦互相中和。兩者的比例十分完美，在兩者之間取得了平衡。