你好椰

營業中

休息中

今日嚟到石硤尾附近食完嘢，想食飯後甜品。見到大街有一間甜品舖，專門做外賣嘅，見有員工預備緊新鮮材料，於是想買幾杯返屋企試吓。佢嘅菜單簡單易明，有排行榜知道最多人食啲乜嘢。我揀咗一杯紫米露，椰汁鮮奶燉桃膠和芒果楊枝甘露。外賣塑膠盒品質好，呢度返屋企都冇傾漏。紫米露味道香濃，唔會過甜，適合都市人又想健康，又想食甜品嘅想法。紫米一粒粒嘅口感大大增加食慾。椰汁鮮奶燉桃膠，椰汁和鮮奶兩種配搭相宜，吃完桃膠，不知不覺間晚上睡得很好，天然的椰香能夠增加桃膠的味道，無論冷食定係熱食都一流到最後芒果楊枝甘露，入面有幾個切得很大的新鮮芒果，楊枝甘露唔會過酸，配搭鮮甜的芒果，令到整個甜品唔會過甜，甚至吃完正餐後，都仍然想嘗試這款甜品。整體三款甜品各有特色，唔同嘅材料和味道都呈現到食材原始天然新鮮的味道和口感，期待嘗試其他甜品。