你好椰

營業中

休息中

我們於13/9（五）大約下午兩點🕑到達小店，只有一個店員，佢整完佢啲嘢先問我地要乜🤨見到門面有好多款選擇，我們叫了牛乳蓮子燉雪燕（$39）。都幾大碗，膠碗裝住幾穩陣，有2個蓋，雪燕有不少，反而蓮子比較少，好清涼，淡淡椰子味。夏天的話，一口乾，解暑又解喝，都幾推薦👍🏻平民價食到平民燕窩有美白、補充骨膠原之效仲有有助改善肌膚乾燥，補給水分，亦有助調節人體膠原蛋白，使皮膚回復飽滿有彈性，簡單女仔恩物

行開石峽尾，之前bookmark過呢間外賣🥡甜品🍮鋪，最後揀咗芒椰脆脆椰子🥥凍，職員👩‍💼都準備咗10分鐘，原個椰子🥥上，仲用保鮮紙包好，但店員見我打卡，就抔多d芒果🥭俾我，所以前後兩個版本，我企喺店外揸住嚟食，芒果🥭量多好甜，有椰子🥥乾脆脆增加口感，下面椰子🥥凍皓清爽，連隔離貓貓🐱都想食埋一份

第一次幫襯，外賣叫左個芋圓西米露，加錢要芋泥同椰子凍，原本無特別期待，諗住正常唔難食已經要好感恩，估唔到仲有啲驚喜，椰子凍好正好清新唔太甜岩我口味，成杯野幾好食，又大杯，滿足😋

🥭🥥芒椰脆脆椰子凍 $48頂層有十幾粒鮮甜芒果灑上椰子脆脆增加口感 椰皇入面係滑捋捋嘅椰子凍🍮味道清甜 輕盈低糖 食完飽腹感高但唔膩 仲可以挖埋旁邊啲椰肉嚟食～評分💫：味道：4/5環境：-/5 價錢：4/5地址🚩：石硤尾偉智里2號金玉大廈地下223號舖營業時間⏰：11:00 - 22:00

🤍黑糖西米水晶粉 ＄30帶有淡淡嘅黑糖味 加埋水晶粉滑脫脫 口感清爽食完好有飽肚感🤍牛乳蓮子燉桃膠＄35香滑嘅鮮奶再加上份量超多嘅桃膠滋潤美顏 女仔必食入面仲有蓮子 增加口感層次石硤尾偉智里2號金玉大廈地下223號舖

依間小店，其實唔係好起眼，經過幾次都唔見有人買野，好自然就會聯想到d飲品可能會唔新鮮。同埋椰奶既飲品，總感覺好甜….點知，因為我朋友口渴，就買左杯黎試。椰奶椰子凍 HKD 28 （寫住無糖）飲一啖，嘩，真係無糖，椰味仲要好鮮好濃郁，好好味呀（個人平時飲開無糖飲品）😍底下有椰子啫喱，混合埋椰奶，每一啖都滿足😍價錢黎講，咁大枝都係hkd 28, 我真係覺得抵買既。下次經過石硤尾，應該都會選擇番黎買杯野飲，不過佢鋪名都關椰子事，可能都會揀番椰奶椰青飲品😎

小店主打健康低糖無添加，每日新鮮人手自家製，份量十足，真材實料，種類選擇多元化清熱海帶綠豆沙超級足料，臭草獨有香味，加埋海量級綠豆同海帶，口感非常豐富，而且稀度適中，恰到好處

雖然呢間甜品鋪對於我來講唔係咁就腳但見到佢d甜品咁吸引🤭於是特登過來試一試係門口已經俾佢個雪櫃d甜品吸引住好多款式都想試，見價錢又合理👍係琳琅滿目既選擇下終於揀咗$39牛乳蓮子燉雪燕唔係太甜好啱我，估唔到仲食到一條條雪燕😋感覺好足料(明知唔係咩貴價嘢😂)$48芋泥鮮奶桃膠小丸子芋泥俾到驚喜我👍有綿密既感覺小丸子就一般般總括來講，街坊價錢，足料既份量如果咁啱經過附近值得一試搭車專登過來就可以考慮下。

夜晚又想食甜品，揀左健康少少既甜品冇咁內疚🤣本人又中意椰子類甜品，店舖又多選擇👍🏻仲有飲品一樽樽咁，都方便拎走🤣而因為只有外賣，睇得出個包裝都有心思，打開個蓋入面仲有一層膠防止瀉出黎👍🏻貼心加分😝椰汁鮮奶燉桃膠依個甜品份量都算多，我地2個人食都夠，而料亦都多，係桃膠比較碎。而甜度就係少甜，岩曬唔中意食太甜既人士。☺️燉桃膠入面亦都有蓮子，都算幾多👍🏻下次再經過會試下其他甜品👍🏻

石硤尾的林記燒賣好食就好多人知啦，但林記對面的高質甜品鋪都值得推介㗎！今次想介紹的係位於石硤尾金玉大廈地下的"李好椰 Hello CoCo"店鋪出售林林種種的甜品，包括椰皇燉蛋白，芋圓小丸子黑糖水晶粉，紫米球系列，自家製糖水等等。價錢都係介乎$20-60不等。但個人而言一份的份量可以比至少2人一齊分享，除返都好抵今次我就買左芋圓小丸子黑糖水晶粉（$39） 和芋泥白玉椰子凍（$48）芋圓小丸子黑糖水晶粉｜ 芋圓有紫薯，香芋，蕃薯三款味道。和小丸子一樣口感好煙韌，好有嘴嚼感。水晶粉雖是微微淡黃色，但食得出有黑糖的味道，口感清甜冰冷，好岩夏天用黎消暑🧊🧊椰汁份量好多，5會話食到最後就無曬芋泥白玉椰子凍｜包裝方面幾貼心，老闆用膠碗盛載椰皇，方便外帶和拎上手食。芋泥好綿話，唔係有顆粒芋泥個種。本身椰皇都已經好香椰子味，加埋椰子片令到椰子味更濃更升華，真係神來之筆。小丸子一樣口感煙韌。奶凍好滑好有牛奶味。食到最後記得要刮埋啲椰肉食呀！！！一款甜品有咁多層次，真係好抵！！

本來係諗住反正要去石硤尾，就係附近搵啲嘢食下😚因為唔近屋企，驚返到去再食唔凍😭想食西米露但係好似賣晒了好好人又幽默嘅店員姨姨👩🏻‍🍳就推薦我食紫米露本人平生第一次食紫米露 意外地好食！😍 一定一定要加芋圓！💜有三隻色 (仲係店家手工造嘅(佢話芋圓再加埋成桶紫米露都食到我好飽💜芋圓都算加得多💜雖然有啲沉底但係食到最後仲見到有好多好開心(我好單純 (可以再多啲我真係好鍾意食 我覺得應該唔會再去嗰頭了但有機會的話仲想試吓佢個楊枝甘露🥭同榴連班戟❗️🥲睇落十分的好食 💔可惜冇得堂食😗所以只好由店補一路食一路行去地鐵站，再喺地鐵站企左一陣先食得晒😵‍💫

芒椰脆脆椰子凍賣相：🐧🐧🐧🐧🐧味道：🐧🐧🐧🐧🐧椰子凍原個連椰殼呈上，椰子凍上裝滿新鮮金黃的芒果粒，頂端再潵上椰肉碎和椰子脆片作飾，非常足料吸引。味道方面，芒果粒果肉多汁鮮嫩，芒香陣陣，香甜味美。椰子凍清甜滑嫩，帶有濃郁的天然椰香味，與清香酥脆的椰肉碎和椰子脆片配搭，口感極富層次，夏日清新開胃良選。芋泥白玉椰子凍賣相：🐧🐧🐧🐧🐧味道：🐧🐧🐧🐧🐧椰子凍上裝載著滿滿的芋泥和白玉，表面舖滿海量的椰子脆片和椰肉碎，份量超班極為誘人。味道方面，芋香綿膩的芋泥、軟糯煙韌的白玉和順滑甘香的椰子凍互相襯托，口感風味極為理想，不可言喻，誠意之選。🐧❤️結語：兩款甜品既抵食又高質，不愧為推介之選，務必一試。

吃完晚飯，再用甜品作結，甜美又完滿！甜品店位於地鐵站附近，十分方便，標榜天然、健康、純粹、低糖、無添加的外賣糖水，甜品及飲品種類選擇多，主打椰皇甜品，全部都是人手製造、每日新鮮。芒椰脆脆椰子凍以原個椰殼裝著新鮮芒果肉、底下椰子凍充滿椰香味，頂層加入烘製過的椰子脆片，食得到粒粒新鮮椰肉，清甜滑嫩，與芒果配搭一流！紫米球小丸子杏仁露杏仁露潔白如奶，細膩如玉，香味獨特，紫米露香甜軟糯，與口感煙韌的小丸子同吃，口感更豐富。

今日去石硤尾JCCAC附近有一條後巷到發現有啲小店有好野食～落住雨都見到呢間外賣糖水鋪<你好椰>多人幫襯就想試下主要係中式糖水為主 除左有傳統紅豆沙 綠豆沙 椰汁紫米露之外見到有我最鍾意既桶裝鮮芒楊枝甘露～～～同埋見到四月最新推介椰子凍系列好吸引就打算買返屋企試😙😙😙😙▫️桶裝鮮芒楊枝甘露 $39最鍾意食芒果既我覺得桶裝好抵超足料 芒果大大粒又好甜落左椰汁 份量撈埋好夾好鮮甜味道係新鮮芒果 唔係糖水溝出黎既芒果真係好足料▪️芒椰脆脆椰子凍 $48見到佢招牌<你好椰>就知要試椰子野～Mix左芒果就好想揀呢款試呢個椰子裝住滿滿既椰絲同芋圓加小丸子睇得出老闆娘好有心機整係四月份最新推介～椰子凍非常香口同滑煙韌嘅芋圓同小丸子加埋有好滿足嘅口感加上椰絲每啖都食到椰子既香味～一大碗不知不覺就清哂 好飽好滿足👏🏻👏🏻呢間新鮮又充料既糖水好推介俾大家桶裝仲係密實裝外賣唔會倒瀉落雨外賣都好ok📍你好椰 (石硤尾)石硤尾偉智里2號金玉大廈地下223號舖

同老公經過呢間，你好椰嘅甜品店，留意到佢出咗新嘢🤤椰子🥥凍系列，咁就試吓啦⋯⋯我又貪靚，所以想食埋椰汁牛乳蓮子燉雪燕。1）芋泥白玉椰子凍$48芋泥好綿密質地滑，椰子凍有彈性(質地唔係實丁丁)都夠椰香，白玉煙煙韌韌係我至愛。2）芒椰脆脆椰子凍$48芒果都幾多切到大大粒，芒果加埋澆上芒果面嘅脆脆(本身芒果同椰凍都係軟質地)食落有另一個層次，食落有咬口。3)椰汁牛乳蓮子燉雪燕$39老闆娘好闊佬，啖啖都係雪燕，椰汁香牛乳滑(都幾大碗)。💗採用💗北海道特選3.6牛乳