影片
更多
2021-01-21
941 瀏覽
朋友生日，揀咗呢間有靚景嘅餐廳同佢慶祝~ 打電話book位時都有特別request window seat~ 位置係窗邊大卡位，兩個人坐真係超闊落～ 但可能唔夠早book，坐嘅位置較側，欣賞唔到全海景~同朋友兩個都唔算太餓，試唔到佢個weekend brunch~ 所以係a la crate menu點咗幾款~Menu選擇唔算多，但都有唔少幾特別嘅菜式~前菜我哋點咗油甘魚刺身($180)，非常欣賞佢個青檸香草汁，令到刺身食落唔腥，帶鮮甜~ 食唔停口~主菜都係點咗魚🤣係味噌烤紐西蘭帝王三文魚柳($180)，魚柳只有一舊，但真係烤得好香，味噌甜甜的，好夾~ 肉質嫩滑，不過如果有埋塊烤得香脆嘅魚皮就更好😙😙佢仲配咗日式燒肉蘸醬同辣椒莎莎醬，確保味道唔會單調~我哋仲點咗一碗香蒜蔥花蛋炒飯($60)，材料好簡單，但整得好食真係唔易~ 蒜味強勁，喜歡食蒜嘅朋友應該好like~ 乾濕度亦適中，滿意😋成餐飯最失望係個甜品😟我哋order咗火焰雪山($180)，上碟之前都知佢份量會較大，畢竟佢嘅價錢係其他甜品嘅兩倍~店員係我哋面前燒，但完全睇唔到着火效果，無得打卡🤣蛋白同威士忌燒完後帶苦澀味，入面嘅熱情
位置係窗邊大卡位，兩個人坐真係超闊落～ 但可能唔夠早book，坐嘅位置較側，欣賞唔到全海景~
同朋友兩個都唔算太餓，試唔到佢個weekend brunch~ 所以係a la crate menu點咗幾款~
Menu選擇唔算多，但都有唔少幾特別嘅菜式~
前菜我哋點咗油甘魚刺身($180)，非常欣賞佢個青檸香草汁，令到刺身食落唔腥，帶鮮甜~ 食唔停口~
主菜都係點咗魚🤣係味噌烤紐西蘭帝王三文魚柳($180)，魚柳只有一舊，但真係烤得好香，味噌甜甜的，好夾~ 肉質嫩滑，不過如果有埋塊烤得香脆嘅魚皮就更好😙😙佢仲配咗日式燒肉蘸醬同辣椒莎莎醬，確保味道唔會單調~
我哋仲點咗一碗香蒜蔥花蛋炒飯($60)，材料好簡單，但整得好食真係唔易~ 蒜味強勁，喜歡食蒜嘅朋友應該好like~ 乾濕度亦適中，滿意😋
成餐飯最失望係個甜品😟我哋order咗火焰雪山($180)，上碟之前都知佢份量會較大，畢竟佢嘅價錢係其他甜品嘅兩倍~
店員係我哋面前燒，但完全睇唔到着火效果，無得打卡🤣
蛋白同威士忌燒完後帶苦澀味，入面嘅熱情果雪芭太硬，食唔到~芒果同椰子雪糕極甜，而且味道太人工🥺我同朋友真係冇辦法食落去😔😔😔
總結來講，會因為鹹食同景色而再嚟～ 性價比亦高，以酒店餐廳嚟講價錢真係唔貴，但果個火焰雪山真係可一不可再。
張貼
