金記冰室 (形薈)

營業中

休息中

筲箕灣開了金記冰室，都未光顧過，今晚就去開飯啦！店舖都幾光猛，座位總算闊落。餐牌菜式中西融合，但最吸引我的目光就是封面的鐵板餐。先有羅宋湯，湯底味道濃郁，有少少辣。店員遞上鐵板，我打開紙巾，店員倒燒汁在鐵板上，一陣吱吱渣渣聲音響起......<鐵板蘋果沙丹豬扒>蘋果片有肉桂香味，爽甜；沙丹豬扒外層煎香過，肉厚嫩滑多汁，最後再吃波浪紋薯條，即刻想起童年時鋸扒的情景，回憶返哂黎。<鐵板美式雜扒>這份肉望號的雜扒最啱食肉獸的老公，豬扒和牛扒都係薄切，配合蒜蓉汁，食完豬扒、牛扒、雞扒，再吃煙肉和腸仔，就係大滿足。食鐵板點少得懷舊黑牛呀？可樂夠氣再加朱古力雪糕。剩食肉冇食菜好有罪惡感，即刻叫款晚市套餐。<香芹雲耳炒藕片配白飯>蓮藕爽脆，香芹味濃，雲耳入味，白飯唔會爛。