咖吔

營業中

休息中

睇戲前同朋友食左個靚下午茶，呢間下午茶大件抵食，同午餐份量應該一樣，但價錢就平左一截。新加坡喇沙米線必食啦呢樣😋本人唔喜歡摻摻，都係中意滑溜溜嘅米線多啲。湯底好濃郁好好味，明知飲湯好肥都一啖接一啖，加小小青檸汁酸酸辣辣咁更加惹味。米線冇過稔👍🏻海南雞飯朋友食，睇樣覺得幾靚仔🌝試左一舊覺得幾嫩滑，雞胸位都唔會太乾。油飯軟硬適中，有啲薑味又幾特別。咖央多士又係必食的，咖央醬同牛油剛剛好，一人一件食完唔夠喉😂椰青勁清甜，跟餐加$22就有一個大椰青。