影片
更多
2024-09-24
2316 瀏覽
好多年前喺呢邊返工嘅時候記得呢度有一間唔起眼嘅火鍋店。今晚過嚟重溫舊夢，叫咗呢個需要提早預約嘅黃金甲湯底，見到一隻好大隻嘅肉蟹係新鮮上嚟，個煲都爭啲擺唔晒。大概等15至20分鐘左右，隻蟹變晒色就可以開始食。佢個底有一大舊南瓜，所以成個湯底都好鮮甜。見佢熟晒之後職員會好熱心咁樣過嚟幫你將個南瓜剪細佢，同埋會教你飲咗湯，食咗湯底料先，最後先再加返豬骨湯嚟打邊爐。佢呢啖湯真係不得了，係用咗蝦頭同埋蜆去煲，煲完呢個湯底之後再加返南瓜同埋呢隻新鮮嘅蟹再煮，所以個湯底真係好濃郁，而且蟹膏味好重，真係好好味。除咗隻蟹之外，入邊仲有好多蜆同埋沙白，全部都脹卜卜大粒。其實飲完呢個湯再加埋食埋啲蜆同埋蟹都飽咗一半。佢隻肉蟹真係唔少嘢㗎，隻鉗夠晒大隻，而且仲好鮮甜，真係夠晒新鮮。飲夠晒個湯就可以加普通豬骨湯嚟打邊爐。我哋叫咗一個切肥牛，佢呢個肥牛同普通嘅火鍋店唔同。唔同佢真係新鮮嘅牛，而唔係其他嗰啲冰鮮牛，因為我哋太早叫定啲火鍋料，所以其實放咗好耐，佢都冇出血水，仲係好似啱啱擺上枱咁靚仔。而且個肉味都好濃，又夠晒腍，值得一讚。跟住叫咗個蟹籽墨魚滑，佢個墨魚滑都好彈牙，中間仲有大大粒嘅墨魚肉添。而叫咗個雙拼餃
今晚過嚟重溫舊夢，叫咗呢個需要提早預約嘅黃金甲湯底，見到一隻好大隻嘅肉蟹係新鮮上嚟，個煲都爭啲擺唔晒。
大概等15至20分鐘左右，隻蟹變晒色就可以開始食。佢個底有一大舊南瓜，所以成個湯底都好鮮甜。
見佢熟晒之後職員會好熱心咁樣過嚟幫你將個南瓜剪細佢，同埋會教你飲咗湯，食咗湯底料先，最後先再加返豬骨湯嚟打邊爐。
佢呢啖湯真係不得了，係用咗蝦頭同埋蜆去煲，煲完呢個湯底之後再加返南瓜同埋呢隻新鮮嘅蟹再煮，所以個湯底真係好濃郁，而且蟹膏味好重，真係好好味。
除咗隻蟹之外，入邊仲有好多蜆同埋沙白，全部都脹卜卜大粒。其實飲完呢個湯再加埋食埋啲蜆同埋蟹都飽咗一半。
佢隻肉蟹真係唔少嘢㗎，隻鉗夠晒大隻，而且仲好鮮甜，真係夠晒新鮮。
飲夠晒個湯就可以加普通豬骨湯嚟打邊爐。我哋叫咗一個切肥牛，佢呢個肥牛同普通嘅火鍋店唔同。唔同佢真係新鮮嘅牛，而唔係其他嗰啲冰鮮牛，因為我哋太早叫定啲火鍋料，所以其實放咗好耐，佢都冇出血水，仲係好似啱啱擺上枱咁靚仔。而且個肉味都好濃，又夠晒腍，值得一讚。
跟住叫咗個蟹籽墨魚滑，佢個墨魚滑都好彈牙，中間仲有大大粒嘅墨魚肉添。
而叫咗個雙拼餃到有啲嚇親，因為佢真係好大粒好足料。我哋叫咗韭菜餃同埋雲吞，兩款都係大大粒，童叟無欺。
另外仲叫咗Wasabi萵筍，佢呢個食法都係第一次。啲Wasabi時候真係會被萵筍吸收晒，所以食落去係爽脆嘅Wasabi咁。
最後飲品我哋揀咗佢哋嘅自家製涼茶，打邊爐咁熱氣梗係要下一下火啦，佢啲涼茶係飲得出自己煲嘅，唔係嗰啲工場制就咁倒落去，好有心㗎。
張貼
