影片
更多
2023-01-13
189 瀏覽
天氣凍冰冰，又係打邊爐嘅最佳時機🫶🏻嚟到九龍城，除咗食泰國嘢，打邊爐都係一 個好選擇。呢度除咗打邊爐，仲有刺身😍店員推介新鮮空運日本池魚王，再配咗其他唔同刺身，大大盤大滿足呀！✨日本池魚王果然冇介紹錯呀！口感爽滑，肉質好有彈性，魚油油脂豐富，味道甘香清甜。✨紋甲魷魚賣相靚靚，魷魚質感厚身，爽口彈牙，鮮味十足，配埋蟹籽，味道帶點鹹鮮，正！✨三文魚、北寄貝、希靈魚三款刺身都好厚切，啖啖肉又新鮮！湯底方面，鍾意食辣嘅我，當然要叫返個正宗川麻辣鍋！老公唔食辣，就揀咗有機蕃茄薯仔鮮牛肉鍋。✨麻辣鍋香氣誘人，入面除咗有大量辣椒同香料，仲有豬皮、笋尖、豬紅，辣味香得嚟唔會過辣，又唔會太鹹，我認為呢個麻辣湯底係出色嘅！特別一提豬皮好正，乾淨彈牙，索滿辣湯，好回味呀！✨有機蕃茄薯仔鮮牛肉鍋，蕃茄酸酸甜甜好開胃，入面嘅鮮牛粒仲好入味！好食！我地仲叫咗其他火鍋配料:✨手切霜降肥牛✨手切本地鮮牛肉打邊爐必叫牛！霜降肥牛油脂分布平均，油花好靚，入口鮮嫩，牛味濃，油脂甘香！鮮牛肉，肉味香濃，比較有咬口。✨西班牙黑毛豬肉片黑毛豬片都深得我歡心，肉味出色，冇肉騷除，每片都肥瘦均勻，入口彈牙！✨手打四寶丸手打丸必食！四
嚟到九龍城，除咗食泰國嘢，打邊爐都係一 個好選擇。
呢度除咗打邊爐，仲有刺身😍店員推介新鮮空運日本池魚王，再配咗其他唔同刺身，大大盤大滿足呀！✨日本池魚王果然冇介紹錯呀！口感爽滑，肉質好有彈性，魚油油脂豐富，味道甘香清甜。
✨紋甲魷魚賣相靚靚，魷魚質感厚身，爽口彈牙，鮮味十足，配埋蟹籽，味道帶點鹹鮮，正！
✨三文魚、北寄貝、希靈魚三款刺身都好厚切，啖啖肉又新鮮！
湯底方面，鍾意食辣嘅我，當然要叫返個正宗川麻辣鍋！老公唔食辣，就揀咗有機蕃茄薯仔鮮牛肉鍋。✨麻辣鍋香氣誘人，入面除咗有大量辣椒同香料，仲有豬皮、笋尖、豬紅，辣味香得嚟唔會過辣，又唔會太鹹，我認為呢個麻辣湯底係出色嘅！特別一提豬皮好正，乾淨彈牙，索滿辣湯，好回味呀！
✨有機蕃茄薯仔鮮牛肉鍋，蕃茄酸酸甜甜好開胃，入面嘅鮮牛粒仲好入味！好食！
我地仲叫咗其他火鍋配料:✨手切霜降肥牛
✨手切本地鮮牛肉
打邊爐必叫牛！霜降肥牛油脂分布平均，油花好靚，入口鮮嫩，牛味濃，油脂甘香！
鮮牛肉，肉味香濃，比較有咬口。
✨西班牙黑毛豬肉片
黑毛豬片都深得我歡心，肉味出色，冇肉騷除，每片都肥瘦均勻，入口彈牙！
✨手打四寶丸
手打丸必食！四寶有鮮墨魚丸、鮮蝦丸、鮮牛肉丸、蒜香豬肉丸，粒粒都好足料，好彈牙，誠意之作呀！
✨鮮蝦水餃皇
皮薄餡靚，用料多令餃子非常飽滿，入面有木耳、半肥瘦豬肉、蝦、筍絲，食一隻係唔夠嘅😂
✨午餐肉/爽滑豬紅/蓮藕片/炸枝竹
另外我地仲叫咗呢四款配料，佢地嘅雙拼配料，好抵食！
✨洛神花茶自家製嘅洛神花茶，酸甜適中，打邊爐飲啱哂！
張貼
