沙田新強記燒鵝海鮮酒家

營業中

休息中

由細到大，我都好鍾意同嫲嫲去酒樓度食嘢㗎，而家大個咗呢就少咗好多時間喺酒樓食飯喇。今日突然間心血來潮，想食下炸乳鴿，所以就嚟咗呢一間酒樓，炸乳鴿上到嚟嘅時候，熱辣辣、脆卜卜㗎，如果識食乳鴿嘅朋友仔第一時間一定係咬咗佢個嘴先，然之後食咗佢個頸嗰層皮。鍾意食腦袋嘅朋友就可以享乳鴿嘅腦袋嘅滋味。然之後梗係嗌返個雞粥去配襯我嘅乳鴿啦❤️初頭呢會估雞粥入面嘅雞肉係用黎令到成個粥都有雞嘅香味，而啲肉就會唔好味。但估唔到呢間嘅雞粥入面嘅雞肉係滑㗎喎！個咬口都幾好，同埋成個粥入面唔會太多油㗎