沙田新強記燒鵝海鮮酒家

營業中

休息中

十點入座想食宵夜，點知俾經理係咁催促落單last order! 十點十五分要你埋單都算！十個人包括小朋友，食到十點三十分，不斷有小動作提你佢要收工，包括熄左部份燈，提你落左閘出去小心頭。 最後十點四十分，行埋黎直頭講要收工！ 本身d 食物質素已經麻麻！ 椒鹽鮮魷- 魷魚發得太勁，d 脆粉垃圾，食到成口粉；燒鵝又肥又騷味道差；雞粥正常；燒乳鴿，都算正常，不過貴；加埋趕收工服務態度，真係食到背脊骨落！ 唔該講明自己幾時要收工等個客自己決定入唔入，唔好係咁招呼你入去，跟住要人哋食快餐咁！

今天來到大圍探訪久未見面的親戚，第一次踏足這個地方，親戚便熱情地帶我到大圍的老字號 - 新強記，品嚐點心和燒鵝。還未踏進餐廳，門口古色古香的裝潢已經讓人感受到它的歷史底蘊。走進酒樓，映入眼簾的都是街坊熟客，氣氛親切熱鬧，彷彿置身於一個大家庭。例牌燒鵝：比我想像中還要大份，或許是因為剛好新鮮出爐的緣故，燒鵝皮脆肉嫩，每一口都充滿了鵝肉的香氣。燒鵝汁調味恰到好處，鹹香適中，令人回味無窮。砂鍋雞粥：雞粥也是這裡的名菜之一，點餐時服務員提醒我們一人份量已經足夠兩三個人分享。果然，上菜後發現砂鍋裡的雞粥份量十足。黃雞肉質滑嫩，加入薑絲後更添暖意，喝上一口，整個胃都暖洋洋的。山竹牛肉球：這裡的牛肉球份外大顆，口感滑嫩，芫荽和馬蹄的份量也給得很足。沾上喼汁後，酸甜開胃，令人食慾大增。博主親食價: 人均$160

細細個就由媽咪帶去食紅燒乳鴿，經過咁多年，雖然味道不勝當年但比出面好多酒樓同餐廳都做得好呀！🩶乳鴿：調味剛好，夠熱留有肉汁，稍為個皮唔夠脆🩶金銀蛋小白菜：份量夠大，好多咸旦係面，好食🩶豉椒炒大蜆：大蜆新鮮厚肉，略嫌個汁太杰似汁炒無鑊氣，唔推介🩶雞粥：雞係滑嘅，食落似用貴妃雞煮粥，成煲粥唔係白色🙈我個人唔鐘意食，每啖都有好多薑絲小驚喜係飯後送既甜品，紅豆沙同芝麻糊都幾好食。埋單$580，我覺得下次可以下午嚟試下點心同食乳鴿，小菜就正常老派酒家，經過可以再食，因為侍應態度好好，充滿人情味

一直知道大圍依間老字號酒樓出名燒鵝但從未試過，今次就同一班朋友試一試佢。適逢星期日，所以餐廳特別多人，待應好熱情，假日會有多啲廚師因而上菜好快手。🍠例牌燒鵝個燒鵝汁偏少少甜，燒鵝唔會肥同埋都幾入味！🍠小炒王幾夠鑊氣，都幾多鮮魷，腰果夠脆口🍠咕嚕肉份量都算多，肉質夠腍幾入味🍠雞粥雞粥係佢地既必試招牌，都幾甜，但未至於驚艷🍠金銀蛋菠菜不過不失🍠椒鹽豆腐炸粉唔厚，夠脆夠香口總括而言，餸菜份量都算多，味道幾好，性價比唔差㗎。💰人均200-300📍沙田新強記燒鵝海鮮酒家大圍海福花園商場地下47-50號舖

今次我想同大家分享一下我最近去飲茶嘅經歷，真係好開心！我點咗幾樣好正嘅點心。首先係牛肉腸，外皮滑滑，裡面嘅牛肉餡好鮮嫩，咬落去有種滿足感。接住係黃金糕，金黃色嘅外表，口感軟綿，甜而不膩，真係好好味！然後我仲試咗棉花雞，雞肉嫩滑，配上特製醬汁，味道一流，令人一口接一口。燒賣就更加唔使講，肉質鮮美，還有蝦仁，口感層次分明。最後，鳳爪就係我最鍾意嘅，醃得剛剛好，咬落去彈牙，真係好過癮！整體來講，今次飲茶真係好滿足，唔單止食物好味，仲有同朋友一齊分享嘅樂趣，真係一個好好嘅下午！希望下次可以再嚟！

住附近，有朋友来人多的时候经常去，一直觉得菜品挺好。这次必须给评论了。拿了三个可乐，没打开，我说要退一瓶，不给退！还是两个服务员冲我说下单了不让退，好凶！好么我也只能跟着嚷嚷了，吃个饭不带这么受气的！没听说可乐下了单没付钱没打开不让退的！虽然是小事就十块钱而已，但是态度我不能忍受！最后可能看我强势就给退了，但是心里很不舒服，本来烧鹅吃得好好的，影响心情！难道不给退也是香港餐饮业潜规则？以及，确实没法和深圳比！开始理解港人宁愿费时间也要北上了！

近排想食靚燒鵝，近近地去新強記試一試。燒鵝（半隻）份量幾多，肥瘦均勻，首先是外皮。經過精心烹制,皮層酥脆微黃,散發出誘人的香氣。咬開後,濃郁的鵝油香氣撲面而來,口感軟嫩鮮美,一點也不油膩。咀嚼之間,皮脆肉滑的完美搭配,帶來難忘的口感享受。再來看內裏的肉質。燒鵝的肉部位選用非常講究,既有富有彈性的胸肉,又有綿密柔嫩的腿肉。每一口都是肉質鮮嫩多汁,入口即化,完全沒有任何乾澀感。調料的運用也恰到好處,為肉質增添了一層醇厚的風味。椒鹽九肚魚香口酥脆，肉質軟滑。金銀蛋莧菜新鮮翠綠

新強記今日同老婆去一間大圍地標餐廳，就係（新強記燒鵝海鮮酒家），今日送完阿仔上堂，同老婆2人世界，食番d有水準既酒樓點心。今日去到已經係中午食飯時間，都要等陣位先入得。去到即刻點左佢地出色既點心先。菜苗鮮蝦餃：好大隻，菜苗好嫩，冇牙都食到，蝦🦐又大隻。懷舊鴨扎：鴨腳扎仲大過我拳頭👊，包住滿滿既餡。香茜牛肉腸：腸粉好大條，又滑，牛肉又足料。脆脆紅米腸：好特別顏色既腸份，竟然係紅色，包住脆脆再加埋肉鬆，口感好特別。胡椒咸菜豬肚湯：依個湯每次必叫，又大碗又好飲，又足料。瑤柱蛋白炒飯：每粒飯都被雞蛋包住，粒粒分明，好有鑊氣。Ps:另外佢地其實仲有好多招牌菜，燒鵝/雞粥/乳鴿，每樣都係我最愛😍

同事帶我去大圍新強記飲茶，他說讀中學時已來過，裝潢仍是差不多，原來已有四十多年歷史。有多種類點心、午市特價燒味飯新強記出名是燒鵝、乳鴿及雞粥燒鵝髀飯 $98有油光的燒鵝，確實好吸引皮脆肉嫩，而且脂肪較少，令人齒頰留香蜜汁叉燒腸（大點）$34腸粉皮又薄又滑，餡料豐富煎釀茄子（中點） $32香口的魚肉釀入大大件的茄子蝦餃皇2隻（中點）$32有2粒或4粒選擇，皮薄包著爽口彈牙的蝦肉山竹牛肉球（大點）$34牛肉球也是比平時的油酒樓巨型大粒，肉質鬆化有牛肉、芫荽香，當中有馬蹄粒更爽口。懷舊芝麻卷（中點）$32芝麻卷是熱的，充滿芝麻香，入口濃郁但甜度剛好。

蔥薑炒龍躉頭腩，全是炸麵團和魚骨，沒什麼魚肉。菜名裡是有頭，但也不必把魚眼也裹上麵粉炸吧？腩呢？魚肚腩肉呢？吃完滿碟麵團和魚骨，試著放回煲裡，又是滿滿一盆，可見有多少肉給食客吃。我和餐廳工作人員講，人都沒聽我們講完就自己轉身走了，理都不理。我再也不會光顧這家餐廳，但貢獻出第一篇openrice評論給它。

拜年都冇咁齊人，今晚成個家族飲茶，好耐冇嚟過呢一間酒家食嘢，之前都多數係嚟食晚飯，今次你飲茶，又覺得幾有驚喜。我覺得佢係偏向舊茶樓嘅風味，點解咁講呢？又蒸蘿蔔糕、雞絲粉卷、千層糕同埋芝麻卷。都係舊式嘅做法，芝麻卷仲癲到係啱啱蒸完之後有水出嘅。賣相係搞笑啲，但係真心好食。同埋好少中午打口都有粥食，仲要個粥底都綿綿地，唔好理佢點整，但係佢就整到好似煲咗好耐嘅感覺。遜色少少就個燒腩卷啲柱侯醬味太濃，同埋最後叫咗個黃沙燒賣，個豬潤嚡過沙紙。另外值得讚係個燒鵝，食得出個肉係有層次嘅香味，同出面嗰啲燒鵝真係食得出個分別。同埋隻鵝都唔算太肥比例適中，我覺得可以多啲嚟飲吓茶都唔錯，唯獨係冷氣唔係好夠開咗吹風機都有少少熱。

朋友要移民啦,呢排主要都係食中菜同東南亞菜。大圍呢間新強記，侍應姐姐服務好好，會就住人數提客人點幾多個菜。🦐迷你海皇冬瓜盅（期間限定）($188) 一坐低，姐姐就問飲唔飲冬瓜湯，佢話得返兩盅，賣完就冇。即刻叫咗一盅，雖然佢叫迷你冬瓜盅，但係其實份量十足，材料豐富，有魚肉、元貝、蝦乾等等，我哋三個人，每個人起碼飲咗三至四碗。天時暑熱，食冬瓜盅啱晒👍🏻👍🏻👍🏻砂煲鮮雞粥（$60）雖然係一人份量，但份量十足👍🏻每人都食到兩至三碗。用砂煲仔上， keep到個溫度，而且雞肉鮮嫩又滑，成煲粥都好鮮甜。新強記燒鵝王（$190)嚟呢度真係要試佢個燒鵝，皮脆薄嫩，肉質鮮甜，超級香口😋😋😋食到停唔到口椒鹽鮮魷($128)外皮炸到脆卜卜，入面嘅魷魚新鮮爽脆，雖然有啲熱氣，但係真係好香口。😋😋最後仲有最正嘅糖水今日有綠豆沙紅豆沙兩款都各有千秋👍🏻👍🏻紅豆沙粒粒分明，有香濃陳皮味，仲起晒沙😍😍綠豆沙仲加咗臭草，清熱氣一流👍🏻👍🏻整體服務質素非常之好，每款食物都好好味，有傳統酒樓嘅人情味👍🏻👍🏻👍🏻

是日晚飯時候來到沙田老店吃乳鴿和雞粥。雖然時間還早，食客已擠滿了酒家。這裏座位較迫，但勝在光猛。我們一行四人選了一個超值乳鴿餐和炒河一碟。超值乳鴿餐 （$350）～紅燒乳鴿2隻乳鴿大小適中，肉質嫩滑。沾上准鹽或醋來吃，味道更上一層次。～新強記雞粥（例）滿滿的一窩雞粥由店員給我們分到小碗中。雞粥入口綿滑，雞的份量也不少。微微煎過的連骨的雞肉吃起來味道更突出。～金銀蛋時蔬（例）重味的鹹蛋和皮蛋配上清淡的莧菜是最佳配搭。干炒牛河 （$108）牛肉大大片，完全不韌。河粉炒得條條分明，味道適中。配料少不了的芝麻、銀芽和韭黃爽口惹味，頓時去掉了肥膩感覺。這店的食物質數不錯，價錢公道，怪不得常常都高朋滿座。

住大圍平時行過沙田新強記燒鵝海鮮酒家，好old school嘅感覺但係一次都未食過，今日試下啦，入面嘅傳菜姐姐真係唔同出面酒樓，一種唔識形容嘅儀式感好好午市燒鵝飯今日好Lucky有燒鵝髀，賣相好靚大大碟好香噴噴。星閃閃嘅燒鵝皮咬咬落去好脆，點一點個甜酸醬，燒鵝既油脂係口入邊一下爆曬出嚟，人生無憾。新強記蝦餃皇應該係我人生入邊食過最多餡同埋最大粒嘅蝦餃。我唔理啦成粒蝦餃塞咗入口，蝦好彈牙同埋蝦嘅鮮味包圍住我，蝦餃皇我比滿分。蟹籽燒賣皇燒賣好大粒上面啲蟹籽粒粒分明。我係燒賣嘅忠實fans，成粒都好鮮味多汁，口感同味道都好高質。臘味蒸蘿蔔糕好少會食到蒸嘅蘿蔔糕，有啲古法feel。食落去好水潤，有好足料臘味同埋蘿蔔絲。姐姐細心幫我哋落左調味粉同埋甜豉油。好味！金珠鹹水角同而家新式出邊食開嘅鹹水角有啲分別。而家通常新式酒樓都係薄皮果隻。呢隻係舊陣時時師父做法，係細細個嘅味道。個皮係好脆好煙靭甜甜地，個餡好香鹹。正！強記雞粥呢個雞粥真係超級超級好食！我覺得係必食之選。雞粥入邊落咗好多薑蔥料頭，雞肉好香滑好足料，唔知係咪師傅落咗雞湯煲，成個味道好入味好香濃！超級讚！

係大圍唔知食咩好 ॱᯅॱ比佢既紅燈籠吸引咗 試問而家既香港仲會唔會有掛住紅燈籠既酒樓𖦹‎𖦹‎.ᐟ.ᐟ  之前同老一輩既親戚過嚟食飯 佢哋都好鍾意呢間酒樓 今次我同男朋友兩個試下先⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 雞粥 $𝟞𝟘（位）超級超級超級抵食 (ͼ̤͂ ͜ ͽ̤͂)✧ 我哋叫咗一位雞粥（除咗位 仲有例同大 各有價錢）但可以食到四碗粥 料又多 味又濃 完全唔𝖍𝖊𝖆 ᵒ̴̶̷̥́ㅂᵒ̴̶̷̣̥̀ $𝟞𝟘四碗粥食到飽未上枱已經聞到雞粥既味道入邊一早撈左薑同蔥 所以唔食既人記住落單要講定走薑同蔥好值得食呀๑⃙⃘´༥`๑⃙⃘新強記小炒王 $𝟙𝟚𝟠男朋友最鍾意食小炒王 ⚗︎·̫⚗︎所以特登叫左俾佢食 又係未上菜 佢既氣味已經好香 係男朋友未影相之前已經偷食左腰果同韭菜 我覺得每間餐廳既小炒王都有啲唔一樣 新強記小炒王有大蝦乾 魷魚 菜莆 韭菜 白飯魚 腰果⌯'Ⱉ'⌯ 所有材料混合埋鹹鹹香香 加上鑊氣十足 正呀 ૮ ᴗ͈ˬᴗ͈ෆა 椒鹽海蝦 $𝟙𝟙𝟠是日推介 冇諗過佢既椒鹽係伴隨着辣味 但佢既辣味好香 個蝦殼好脆可以吞嚟食 ᵔ⤙ᵔ 我連啲配菜都食晒 你就知有幾好食啦ᜊ•ᴗ•ᜊ 所有菜式都香氣逼人 果然係𝟜𝟘年老經典茶樓 •͈ ₃