神山麺屋 (創紀之城五期(apm))

營業中

休息中

記得嗰日我地去咗佐敦谷露營兼野餐，亦係我人生第一次參加露營活動，好開心！雖然已經係春天嘅時分，但係天氣都仲係較為清涼。嗰晚我地離開佐敦谷都仲落起微絲小雨，非常浪漫添！嗰陣又凍又餓，就好想食碗熱辣辣嘅麵！ APM嘅選擇頗多，最後我地揀咗「神山」。餐廳環境不錯，有吧枱，有四人枱等。店員安排我地坐四人枱，坐得舒服。跟住我地就嗌咗兩碗麵分享啦，小妹揀咗「赤神山叉燒拉麵」，男友揀咗「白神山豚角煮拉麵」。最開心嘅係每碗拉麵都有兩片紫菜同埋我最愛嘅溏心蛋呢！唔似一般拉麵店只有半隻蛋，而係一整隻蛋啊啊啊～～～湯底極濃而且偏油，所以食完拉麵就要飲返啲玄米茶解下膩喇！