夏麵館 (始創中心)

營業中

休息中

心郁郁想食蟹粉，就入咗夏麵館滿足下！兩個人叫咗撈麵、蟹粉小籠包、炒菜加一碟點心。#鮮蟹粉河蝦仁撈麵 係懶人必叫，蟹粉蟹膏再撈蝦仁、麵條，蟹油香氣均勻掛在麵條上，將蟹膏膩感減到最低！#蟹粉小籠包 真係要趁熱食，湯汁多而鮮甜，裡面餡料蟹粉、蟹肉同豬肉餡都算平均，濕潤口感幾Juicy! 皮都算薄，唔影響咬肉餡部份。#上海春卷 外皮金黃酥脆，餡料有肉絲、香菇、蘿蔔絲等，趁熱食再蘸少少醋好味！而蒜茸炒菜，幾鮮嫩又可以減少成餐蟹油膩感！