影片
更多
2022-01-06
39 瀏覽
📍#岩盤牛扒 - 將軍澳-食肉獸朋友最近介紹咗呢間按gram計價錢既石燒牛舖頭～同市面上其他同類餐廳唔同 佢真係逐gram計錢架 🤨-💡西冷牛扒套餐 ($172 + $28 set)呢間餐廳係行自助形式既 一入餐廳首先要自己去左收銀到落order 然後再聽number自取野食😗呢晚比較肚餓 就order咗300g西冷 ($0.56/g) 店員一切就切到297gram 非常精準😦👏🏻 配料可以揀蒜/洋蔥/蔥 我今次就揀咗洋蔥🧅 用鐵板燒炒過之後幾香口！另外都加左$28轉套餐 可以任揀三款配搭 今次我就揀咗白飯 沙律 同埋日本雪糕 另外仲有溫泉蛋同味增湯可以揀牛扒係用岩盤上既 店員有提及到上菜既時候牛扒熟度係medium rare 大家可以根據自己既preference用岩盤既餘溫將牛扒燒得更熟 🥩但注意一點係 岩盤降溫速度都幾快下 大家要把握時間喇🤣西冷牛幾有肉味 中間部分幾軟腍幾有肉汁☺️👍🏻份量非常足 今次差啲食唔晒 大家叫嗰陣真係要量力而為😆但我今次唔小心燒得熟咗dd😥 大家記得要控制好個熟度！沙律值得一讚 dressing份量非常足夠 夠撈晒成兜椰菜沙律~白飯用上珍珠米 加埋甜甜地
-
食肉獸朋友最近介紹咗呢間按gram計價錢既石燒牛舖頭～同市面上其他同類餐廳唔同 佢真係逐gram計錢架 🤨
-
💡西冷牛扒套餐 ($172 + $28 set)
呢間餐廳係行自助形式既 一入餐廳首先要自己去左收銀到落order 然後再聽number自取野食😗
呢晚比較肚餓 就order咗300g西冷 ($0.56/g) 店員一切就切到297gram 非常精準😦👏🏻
配料可以揀蒜/洋蔥/蔥 我今次就揀咗洋蔥🧅 用鐵板燒炒過之後幾香口！
另外都加左$28轉套餐 可以任揀三款配搭 今次我就揀咗白飯 沙律 同埋日本雪糕 另外仲有溫泉蛋同味增湯可以揀
牛扒係用岩盤上既 店員有提及到上菜既時候牛扒熟度係medium rare 大家可以根據自己既preference用岩盤既餘溫將牛扒燒得更熟 🥩
但注意一點係 岩盤降溫速度都幾快下 大家要把握時間喇🤣
西冷牛幾有肉味 中間部分幾軟腍幾有肉汁☺️👍🏻
份量非常足 今次差啲食唔晒 大家叫嗰陣真係要量力而為😆
但我今次唔小心燒得熟咗dd😥 大家記得要控制好個熟度！
沙律值得一讚 dressing份量非常足夠 夠撈晒成兜椰菜沙律~
白飯用上珍珠米 加埋甜甜地既燒汁 配燒肉食的確係絕配🤪
但好可惜今次食飽飯想換雪糕個陣 已經換晒 冇緣試到😢下次再黎一定要試到🤨
-
💡櫻花燒肉眼丼 ($70 + $15 set)
燒到半生熟既肉眼薄片鋪滿成個飯 見到即刻開曬胃😍
雖然肉眼睇落仲有少少紅紅地 但咬落去竟然一啲血水都冇😱～肉味亦都十足 又唔會話咬唔開😋啱曬啲平時唔鐘意食太熟牛肉既朋友👍🏼
再加埋飯中間隻流心溫泉蛋 送飯食又得 攞黎當蛋汁點肉食又得 兩種食法都有唔同風味😙肉飯同蛋一齊 又會有唔同既效果😋正！
飯同肉既份量啱啱好👍🏼唔會話食完會有好濟既感覺 啱曬平時晚餐食😆
-
總括黎講 呢間餐廳價錢好均真 而且豐儉由人 無論係想食餐豐盛定係糧尾手緊 都係一個唔錯既選擇～
張貼
