Feather & Bone

營業中

休息中

話說朋友聚會通常都係香港島，因為要就有細細佬嘅朋友仔，住喺西營盤嘅朋友就話不如去呢間試吓。其實我哋研究左個餐牌好耐都唔知道點樣叫好，到最後就決定唔好煩，幫襯佢哋＄300牛扒組合，唯一缺點係一揀咗呢個餐就每一個人都要叫呢個餐，連細路仔都要叫，原本我哋有啲唔高興，換句話來講想試其他嘢都是唔到，但係估唔到呢個咁懶嘅決定換來意外驚喜。牛扒實在太好食，叫咗呢一個餐，佢就會切唔同嘅部位俾你，簡單啲講你只需要揀幾多成熟，同埋配菜，因為我哋太多人嘅關係，上到嚟嘅牛扒份量多到嚇死人，重點係除咗牛扒，原來呢個餐仲飽左腸同埋羊扒，雞串燒，配菜方面佢就將有嘅嘢都比我地，今日分別有薯蓉，甜椒，同埋粟米蓉。根本就冇可能食得晒！當然我覺得如果兩個人的份量就未必會咁多，人多嘅話肉嘅份量加加埋埋就真係會太多。牛扒味道相當好，佢每1分會比三個部位你，每一個部份都烤得啱啱好，調味係用最簡單嘅鹽，上枱陪左芥末。所以我都食咗好多。以呢個價錢來講，加上餐廳嘅環境，其實我覺得都算抵。