蕃茄仔

營業中

休息中

久聞蕃茄仔大名，專登嚟試試～總括嚟講食物ok但唔會再嚟兩個人分別叫咗特級安格斯牛肩胛麵+牛𦟌麵，蕃茄湯有住家味道，似打碎咗嘅茄醬，幾清新嘅～出街唔想太油太重味精，呢度係唔錯嘅選擇牛肩胛幾香口，但就冇乜牛味，牛𦟌相對濃味啲。上海麵（幼麵）比刀削麵掛湯，幼麵同個湯會比較夾。整體食物雖然OK，但女侍應由一開始就黑面，係黑到你同佢講嘢佢另轉頭唔理你，好似殺咗佢全家嗰隻！想拎紙巾，佢黑住面晦氣咁講：等陣！食完後佢嚟收嘢，佢又係好不滿咁講：埋單出面！呢度係香港，不嬲唔會對服務態度有任何expectation，呢啲地方亦唔會要求侍應好有禮貌，但你都唔好差過茶餐廳阿叔呀？！個女侍應啲嘴臉真係得罪佢咁款喎！另一位男侍應係OK的，主要係個女仔問題。呢個態度就算你好食到曉飛我都唔會再嚟，何況你唔係。